وزیراعظم عمران خان  پر فخر ہے ، مومنہ مستحسن

عمران خان نے مسئلہ کشمیر، مسئلہ فلسطین، افغانستان اور روس اور یوکرین کے درمیان جنگ کے حوالے سے جراتمندانہ بات کی

معروف گلوکارہ مومنہ مستحسن نے وزیراعظم عمران خان کی قائدانہ صلاحیتوں کی معترف ہو گئیں ، انھوں نے کہا کہ انہیں وزیراعظم عمران خان پر فخر ہے کہ انہوں نے بین الاقوامی مسائل اور تنازعات جیسے کشمیر اور فلسطین کے تنازعات پر پاکستان کے موقف کو اجاگر کیا۔

گلوکارہ مومنہ مستحسن نے سماجی رابطے کی ویب سائٹ ٹویٹر پر وزیراعظم عمران خان کی تعریف کرتے ہوئے کہا کہ عمران خان نے مسئلہ کشمیر، مسئلہ فلسطین، افغانستان اور روس اور یوکرین کے درمیان جنگ کے حوالے سے جراتمندانہ بات کی۔

یہ بھی پڑھیے

عاطف اسلم اور مومنہ مستحسن کا ‘سجن دس نا’ مقبول ہوگیا

عمران مومنہ کا چوتھا ایلبم تاخیر کا شکار کیوں ہے؟

انھوں  کہا کہ میں کسی سیاسی جماعت کی حمایت نہیں کرتی، لیکن ایک بطور پاکستانی ، مجھے پاکستان کے عوام کے مؤقف اور مظالم کے خاتمے کے طریقے تلاش کرنے کی ہماری خواہش کو واضح طور پر بتانے پر اپنے سربراہ مملکت پر فخر ہے۔ اس سے قبل وزیر اعظم عمران خان نے او آئی سی اجلاس میں خطاب کرتے ہوئے کہا کہ روس اور یوکرین تنازع کے پوری دنیا پر اثرا ت مرتب ہوں گے ، اس معاملے میں کسی تنازع کا حصہ بننے کی بجائے دنیا کو ثالثی کا کردار ادا کرنے سے متعلق سوچنا ہوگا

وزیر اعظم عمران خان نے کہا کہ او آئی سی اجلاس کے بعد چین کے وزیر خارجہ سے ملاقات کروں گا جس میں یہ معاملہ زیر غور آئے گا کہ روس اور یوکرین کے مابین سیز فائر کیلئے کیا کردار ادا کیا جا سکتا ہے ، لڑائی کا حصہ دار بننے کی بجائے ہمیں ثالثی اور امن کیلئے کردار ادا کرنا چاہئے ۔وزیر اعظم نے مزید کہا کہ عالمی جنگوں میں بلاک بنانے کی پالیسی سب کیلئے لمحہ فکریہ ہے ۔ واضح رہے کہ اسلامی تعاون تنظیم کی وزرائے خارجہ کونسل کا دو رزہ 48 واں اجلاس آج سے اسلام آباد میں جاری ہے۔

متعلقہ تحاریر