کائیلی جینر نے اپنے بیٹے کا نام تبدیل کردیا
ہم نے نام کو تبدیل کرنے کا فیصلہ کیا ہے ابھی اس کی جگہ کوئی دوسرا نام منتخب نہیں کیا گیا ہے
معروف امریکی ریئلٹی ٹی وی اسٹار اور ماڈل کم کارڈیشین کی بہن کائلی جینر نے اپنے نومولود بچے وولف کا نام بدل دیا ،کہتی ہیں کہ اب ان کے بچے کو وولف کے نام سے نا پکارا جائے۔
کم کارڈیشین کی 24 سالہ بہن کائیلی جینر نے سماجی رابطوں کی ویب سائٹ انسٹاگرام پر اپنی اسٹوری پر اپنے مداحوں کو آگاہ کیا ہے کہ انھوں نے اور ان کے بوائے فرینڈ ٹریوس اسکاٹ اپنے ایک ماہ قبل پیدا ہونے والے بچے کا نام وولف سے بدل دیا ہے تاہم انھوں نے اپنے بیٹے کے نئے نام کے حوالے سے آگاہ نہیں کیا ہے ۔
یہ بھی پڑھیے
View this post on Instagram
اداکارہ نے اپنے ایک انٹرویو میں اپنےبچے کے نام کے حوالے سے بتایا کہ ہمیں محسوس ہوا کہ وولف نام ہمارے بچے کےلئے مناسب نہیں ہے اس نام کے کچھ اثرات ہیں جو اس بچے پر آرہے تھے اس لئے ہم نے نام کو تبدیل کرنے کا فیصلہ کیا ہے ابھی اس کی جگہ کوئی دوسرا نام منتخب نہیں کیا گیا ہے ۔
واضح رہے کہ تیس سالہ ٹریوس اسکاٹ اور 24 سالہ کائیلی جینر کے تعلقات کا آغاز 2017 میں ہوا جس کے بعد سے ان کے گھرمیں دو بچوں کی پیدائش ہوچکی ہے ۔
