اریجیت سنگھ کی جانب سے کنسرٹ کے دوران پاکستانی پرچم کی تعظیم
بھارتی گلوکار کے ٹورنٹو میں کیے گئے کنسرٹ کی وڈیوز سوشل میڈیا پر وائرل ہورہی ہیں جس پر مداحوں کی جانب سے انہیں خراج تحسین پیش کیا جارہا ہے
بھارتی گلوکار اریجیت سنگھ نے کنسرٹ کے دوران پاکستانی پرچم کی تعظیم کرکے کروڑوں مداحوں کے دل جیت لیے۔
بھارتی گلوکار کے ٹورنٹو میں کیے گئے کنسرٹ کی وڈیوز سوشل میڈیا پر وائرل ہورہی ہیں جس پر مداحوں کی جانب سے انہیں خراج تحسین پیش کیا جارہا ہے۔
یہ بھی پڑھیے
پاکستانی گانے “کنایاری” پر ناروے کے ڈانس گروپ کی پرفارمنس سوشل میڈیا پر وائرل
مہوش حیات لیگی حکومت کے اقدامات کے گن کیوں گانے لگیں؟
بھارتی گلوکار کینیڈا کے شہر ٹورنٹو میں کنسرٹ کررہے تھے جس میں پاکستانی اور بھارتی شہریوں کی بڑی تعدادشریک تھی۔اریجیت سنگھ کے کنسرٹ کی دو وڈیوز سوشل میڈیا پر وائرل ہورہی ہیں ۔
ARIJIT SINGH asked the security gaurd to let them wave their flag!! When he sang Nusrat!!
INDIA LOVES PAKISTAN #Pakistan #AtijitSingh #Indian @Atmojoarjalojo pic.twitter.com/HD4c2TWlt4— Shata Bhuimali (@Shatakumarb) June 13, 2022
ایک وڈیو میں دیکھا جاسکتا ہے کہ اریجیت سنگھ پاکستان کے لیجنڈ گلوکار نصرت فتح علی خان کا مشہور گیت ”تیرے بن نہیں لگدا دل “گارہے ہیں اور کنسرٹ میں شریک پاکستانی مداحوں میں سے ایک نے پاکستانی پرچم اٹھاررکھا ہے جسے سیکیورٹی گارڈ نے پرچم لہرانے سے منع کرنا چاہا جس پر اریجیت سنگھ نے ہاتھ کے اشارے اسے روک دیا۔ ارجیت کے اقدام پر خیرمقدمی تالیوں اور آوازوں سے گونج اٹھا۔
View this post on Instagram
دوسری وڈیو میں دیکھا جاسکتا ہے کہ اریجیت سنگھ عاطف اسلم کا گانا”او جانے جاں دونوں جہاں “ گارہےہیں اور اس دوران سامعین میں موجود سبزہلالی پرچم لہرا نے والے پاکستانی مداح کی جانب متوجہ ہوتے ہیں اور پاکستانی پرچم کی طرف اشارہ کرنے کے بعد اپنے سینے پر لگے بھارتی پرچم کے بیج کی طرف اشارہ کرنے کے بعد ہاتھ جوڑ کر دونوں پرچموں کے لیے تعظیم کا اظہار کرتے ہیں۔
