کرس راک تھپڑ نہیں بھولے، آئندہ برس آسکر کی میزبانی سے انکار

رواں سال آسکر ایوارڈ کی تقریب کے دوران اداکار ول اسمتھ سے تھپڑ کھانے والے کامیڈین اور اداکار کرس راک نے اکیڈمی کی آئندہ برس آسکر 2023 کی میزبانی کی پیشکش ٹھکرادی۔

ایریزونا ریپبلک کے مطابق  اتوار کو ایریزونا کے شہر فینکس میں ایریزونا فنانشل تھیٹر میں ایک کامیڈی شو کے دوران کرس نے آسکر کی دوبارہ میزبانی کو کرائم سین پر واپسی سے تشبیہ دے دی ۔

یہ بھی پڑھیے

اداکار ول اسمتھ پر آسکر ایوارڈز کے دروازے 10سال کیلیے بند

اکیڈمی ایوارڈز کی  میزبانی کی پیشکش پر گفتگو کرتے ہوئے  انہوں نے  1995 میں چلنے والے او جے سمپسن کے مقدمہ قتل کا حوالہ دیا اور کہا کہ یہ آنجہانی نیکول براؤن سمپسن سے ریسٹورنٹ میں واپس جانے  کا کہنے کے مترادف ہوگا جہاں اس کی والدہ نے اپنی موت کی رات  اپنی عینک کا ایک جوڑا چھوڑا تھا۔

ول اسمتھ  کے بارے میں بات کرتے ہوئے  کرس  راک نے کہا کہ  وہ مجھ سے بڑا ہے۔ ریاست نیواڈا میرے اور ول اسمتھ کے درمیان لڑائی کی اجازت نہیں دے گی۔ کامیڈین نے اس سے قبل تھپڑ کھانے کے واقعے کے بعد سپر باؤل کے اشتہار کو بھی ٹھکرا دیا تھا۔

Chris Rock made a joke about Will Smith’s wife, Jada being in "G.I. Jane” because of her bald head.

Will Smith went up to the stage, and slapped Chris Rock.pic.twitter.com/2BSVxERB6E

— LetsOTT Global (@LetsOTT) March 28, 2022

یادرہے کہ رواں سال  آسکر تقریب کے دوران کرس راک نے  اداکارول  اسمتھ کی اہلیہ جاڈا پنکیٹ اسمتھ  کی طبی حالت سے لاعلمی کے باعث ان کے ہیئر اسٹائل کا مذاق اڑایا  تھا۔

View this post on Instagram

A post shared by Will Smith (@willsmith)

ول اسمتھ اس مذاق کو لے کر آپے سے باہر ہوگئے تھے اور انہوں نے اسٹیج پر جاکر کرس راک کو منہ پر تھپڑ جڑ دیا تھا۔بعد ازاں ول اسمتھ  نے اپنے اقدام پر معافی مانگ لی تھی تاہم اکیڈمی نے ان پر آسکر ایوارڈ کے دروازے 10 سال کے لیے بند کردیے ہیں ۔