دی لیجنڈ آف مولا جٹ بلاک بسٹر فلم قرار،پہلے دن کمائی کے تمام ریکارڈ توڑ دیے
فلم نے پہلے دن پاکستان سمیت دنیا بھر میں ریکارڈ 9.3 کروڑ روپے کا بزنس کرڈالا۔فلمی ناقدین نے دی لیجنڈ آف مولاجٹ کو لالی ووڈ کے مستقبل کے لیے گیم چینجر قرار دے دیا۔
پاکستان کی سب سے بڑے بجٹ کی فلم دی لیجنڈ آف مولا جٹ نے کامیابی کے تمام ریکارڈ توڑدیے۔فلم نے ریلیز کے پہلے دن پاکستان سمیت دنیا بھرمیں ریکارڈ 9.3 کروڑ روپے کا بزنس کرڈالا۔
فلمی ناقدین نے بھی فلم دی لیجنڈ آف مولاجٹ کو بلاک بسٹر اور لالی ووڈ کے مستقبل کے لیے گیم چینجر قرار دے دیا۔
یہ بھی پڑھیے
دی لیجنڈ آف مولاجٹ آج ریلیز ہوگی، پریمیئر میں حمزہ عباسی کی عدم شرکت
باکس آفس بالی ووڈ کیلیے ڈراؤنا خواب بن گیا، فلموں کی ناکامی کی وجہ کیا ہے؟
ذرائع ابلاغ میں زیرگردش اطلاعات کے مطابق پاکستان کی سب سے زیادہ انتظار کی جانے والی فلم باکس آفس پر غیر معمولی کمائی کر رہی ہے۔ دی لیجنڈ آف مولا جٹ کی پہلے دن کی کمائی کے اعداد و شمار پر غور کرتے ہوئے ایسا لگتا ہے کہ بلال لاشاری کی یہ فلم کامیابی کے تمام ریکارڈ توڑ دے گی۔
فلم دی لیجنڈ آف مولاجٹ نے پہلے ہی جوانی پھر نہیں آنی 2 کا ریکارڈ توڑ کر ایک بڑا اپ سیٹ کیا۔ فواد خان اور حمزہ علی عباسی کی فلم نے اپنے پہلے دن پاکستان میں4.4 کروڑ کا بزنس کیا۔ اس فلم نے جوانی پھر نہیں آنی 2 کا ریکارڈ توڑ دیا ہے جس نے اپنے پہلے دن سب سے زیادہ 2.9 کروڑ کمانے کا ریکارڈ قائم کیا تھا۔
اس فلم نے ایک اور ریکارڈ بھی اپنے نام کیا ہے جو اس سے پہلے جوانی پھر نہیں آنی 2 نے قائم کیا تھا۔دی لیجنڈ آف مولا جٹ نے پہلے دن بیرون ملک کمائی کے معاملے میں بھی جوانی پھر نہیں آنی 2 کو پیچھے چھوڑدیا ہے جس نے 2.2کروڑ روپے کا اوور سیز اوپننگ کا ریکارڈ قائم کیاتھا جبکہ لیجنڈآف مولاجٹ نے پہلے روز بیرون ملک 4.9کروڑ ر وپے کا بزنس کیا ہے۔
اگر مجموعی طور پر دی لیجنڈ آف مولا جٹ کے پہلے دن کی کمائی کی بات کی جائے تو فلم نے مجموعی طور پر 9.3 کروڑ کا بزنس کیا ہے۔ یاد رہے کہ فلم کی پروڈیوسر عمارہ حکمت نے فلم کی پہلے دن کی آمدنی سیلاب متاثرین کو عطیہ کرنےکا اعلان کررکھا ہے۔
دوسری جانب ناقدین ہارون رشید، آمنہ عیسانی، عمیر علوی اور علی زین نےبلال لاشاری اور عمارہ حکمت کی اس شاہکار فلم کو بلاک بسٹر فلم قرار دےدیا۔
The Legend of Maula Jatt is spectacular. Brilliantly entertaining. It’s not often a film of this scale lives up to expectations. This one exceeds them. Cinematic, theatrical – almost Shakespearean. I want to watch it again. Terrific job all round! 👏🏽🔥🎉 pic.twitter.com/v8UEeVuz76
— Haroon Rashid (@iHaroonRashid) October 13, 2022
برطانوی نشریاتی ا دارے سے وابستہ انٹرٹینمنٹ رپورٹر ہارون رشید نے اپنے ٹوئٹ میں لکھا کہ”دی لیجنڈ آف مولا جٹ دیدنی ، شاندار تفریح ہے۔ اکثر اس پیمانے کی فلمیں توقعات پر پورا نہیں اترتیں،یہ ان سے بڑھ کر ہے۔ سنیمیٹک ، ٹھیٹریکل، تقریباً شیکسپیئر جیسی ہے،میں اسے دوبارہ دیکھنا چاہتا ہوں ، ہرطرح سے زبردست کام ہے! “
Fell asleep and have woken up in complete awe of #thelegendofmaulajutt. The impact of this film will reverberate for years, until this epic standard becomes norm for Pakistani cinema. It has given theatrical ambition serious wings.
— AHI (@aamnaisani) October 13, 2022
آمنہ عیسانی نے اپنے ٹوئٹ میں لکھا کہ ہم سوئے پڑے تھے اور مولاجٹ کے افسانے کے خوف سے بیدار ہو گئے۔ اس فلم کا اثر برسوں تک گونجتا رہے گا، جب تک کہ یہ شاندار معیار پاکستانی سنیما کا معمول نہیں بن جاتا۔ اس فلم نے تھیٹر کے عزائم کو سنجیدہ پنکھ دیے ہیں۔
It took us 75 years to make the perfect action flick. Kudos to @blashari , @AmmaraHikmat , @TheMahiraKhan , @HumaimaMalick , @iamhamzaabbasi @GoharRsd & Fawad Khan for retelling the story of characters that are part of our pop culture. #thelegendofmaulajutt is a game changer!
— Omair Alavi عمیر علوی (@omair78) October 12, 2022
معروف فلمی ناقد عمیر علوی نے فلم کو گیم چینجر قرار دیدیا۔ایک مکمل ایکشن فلم بنانے میں ہمیں 75 سال لگے۔ہماری مشہور ثقافت کا حصہ رہنے والی کہانی کو دوبارہ بیان کرنے پر بلال لاشاری ، عمارہ حکمت، ماہرہ خان ، حمائمہ ملک، حمزہ عباسی ، گوہر رشید اور فواد خان کو خراج تحسین۔ لیجنڈ آف مولا جٹ گیم چینجر ہے!۔
#TheLegendOfMaulaJatt Delivers Big Time! Fawad And Hamza Have Done Amazing Job as #Maula and #Noori. But the captain of the ship #BilalLashari has made it an EPIC MASTERPIECE! This One Will Be Remembered For Decades
Salute To Makers @blashari @AmmaraHikmat
— Ali Zain (@ali_zainsays) October 13, 2022
معروف تبصرہ نگار علی زین نے اپنے ٹوئٹ میں لکھا کہ لیجنڈ آف مولا جٹ ہماری تاریخ کی بڑی فلموں میں سے ایک ہے! فواد اور حمزہ نے مولا اور نوری کے طور پر شاندار کام کیا ہے۔ لیکن جہاز کے کپتان بلال لاشاری نے اسے ایک شاندار ماسٹر پیس بنا دیا ہے! یہ فلم دہائیوں تک یاد رکھا جائےگی، فلمسازوں بلال لاشاری اور عمارہ حکمت کو سلام ہے۔