سمیع خان اپنی فلم یارا وے کی ناکامی کے باوجود ہمت نہیں ہارے
خود کو ناکامیوں کے تلے دبنے نہ دیں۔اٹھیں! اپنی غلطیوں سے سیکھیں اور اپنےمقصدکا تعاقب کریں،بس ہمت نہ ہاریں، اداکار کا ٹوئٹ
اداکار سمیع خان اپنی نئی فلم”یارا وے “ کی بری طرح ناکامی کے باوجود ہمت نہیں ہارے ۔اداکار نے اپنے پرستاروں کو ناکامیوں سے سیکھنے کا سبق دے دیا۔
اداکار نے اپنے حالیہ ٹوئٹ میں ابتدائی ناکامی کے بعد عالمی سطح پر شہرت حاصل کرنے والی شخصیات کی مثالیں پیش کردیں۔
یہ بھی پڑھیے
عاطف اسلم رواں سال اسپاٹیفائی پر سب سے زیادہ سنے جانےوالے پاکستانی گلوکار قرار
ویب سیریز "فاطمہ جناح” اگلے سال نمائش کیلئے پیش کی جائے گی
اداکار سمیع خان نے اپنے ٹوئٹ میں لکھاکہ”ذرا تصور کریں کہ اگر مائیکل جارڈن باسکٹ چھوٹ جانےسےڈرتا تو وہ کبھی شاٹ نہ لیتا۔ ذرا تصور کریں کہ اگر سٹیو جابز اس بات سے ڈرتے کہ لوگ ان کی پروڈکٹ کو پسند نہیں کرتے تو کوئی آئی فون نہ ہوتا“۔
Imagine if Michael Jordan was scared of missing the basket, he would have never taken a shot. Imagine if Steve Jobs was afraid of people not liking his product, there would be no iPhone. One might fail several times before becoming successful, but failures make you stronger pic.twitter.com/TEgXJYIt3z
— sami khan (@samikhan421) December 5, 2022
اداکار نے مزید لکھاکہ” کامیاب ہونے سے پہلے کوئی شخص کئی بار ناکام ہو سکتا ہے، لیکن ناکامیاں آپ کو مضبوط اورسمجھدار بناتی ہیں“۔
سمیع خان نے مزید کہا کہ ”خود کو ناکامیوں کے تلے دبنے نہ دیں۔اٹھیں! اپنی غلطیوں سے سیکھیں اور اپنےمقصدکا تعاقب کریں جسے آپ حاصل کرنے کی کوشش کررہے ہیں، اس میں رکاوٹیں آئیں گی،مجھے بھی رکاوٹوں کا سامنا ہے اورہرایک کو ہوتا ہے لیکن یہ رکاوٹیں آپ کو روکنے نہ پائیں“۔
Figure out how to climb it, go through it, or work around it. Just dont give up.#mondaymotivation #alhamdulillah#samikhan #sk
— sami khan (@samikhan421) December 5, 2022
اداکار نے مزید کہا کہ” اگر آپ دیوار سے ٹکرا جاتے ہیں تو پیچھے نہ ہٹیں اور ہمت نہ ہاریں،اس پر چڑھنے، اسے عبور کرنے یا اس کے اطراف کام کرنے کا طریقہ معلوم کریں، بس ہمت نہ ہاریں“۔
