فلم آر آر آر گولڈن گلوب ایوارڈ میں 2نامزدگیاں حاصل کرنے میں کامیاب
فلم کو غیرانگریزی زبان کی بہترین فلم اور بہترین اصلی گانے کے زمروں میں گولڈن گلوب ایوارڈ کیلیے نامزد کیا گیا ہے، آر آر آر کے آسکر ایوارڈ جیتنے کا راستہ صاف ہوگیا، شیکھر کپور
جنوبی بھارتی فلم انڈسٹری ٹالی ووڈ کے معروف ہدایت کار ایس ایس راجامولی کی پیریڈ ایکشن فلم آر آر آرنے گولڈن گلوب ایوارڈز میں 2زمروں میں نامزدگیاں حاصل کرلیں ۔
ٹائمز آف انڈیا کی رپورٹ کے مطابق مرکزی کرداروں رام چرن اور جونیئر این ٹی آر کی آر آر آر کو غیرانگریزی زبان کی بہترین فلم اور بہترین اصلی گانے کے زمروں میں گولڈن گلوب ایوارڈ کیلیے نامزد کیا گیا ہے۔
یہ بھی پڑھیے
انڈین فلم فیڈریشن کا تعصب، بلاک بسٹر تیلگو فلم آرآرآر آسکر کیلیے نظر انداز
جاپانی خواتین بھی فلم آرآرآر کے ہیرو کی دیوانی نکلیں
فلم آرآرآر کو گولڈن گلوب ایوارڈ کیلیے نامزد کیے جانے کےفوری بعد راجامولی نے فلم کو گولڈن گلوب ایوارڈزکے 2 زمروں میں نامزد کرنے پر جیوری کا شکریہ ادا کیا ۔
Thanks to the jury at @goldenglobes for nominating #RRRMovie in two categories. Congratulations to the entire team…
Thanks to all the fans and audience for your unconditional love and support through out. 🤗🤗🤗
— rajamouli ss (@ssrajamouli) December 12, 2022
راجامولی نے غیرمتزلز ل حمایت پرشائقین اور پرستاروں کابھی شکریہ اداکیا اپنے مداحوں کا بھی شکریہ اداکیا۔
We are very grateful to share that #RRRMovie made it to the nominations of #GoldenGlobes for the 𝘽𝙚𝙨𝙩 𝙋𝙞𝙘𝙩𝙪𝙧𝙚 – 𝙉𝙤𝙣-𝙀𝙣𝙜𝙡𝙞𝙨𝙝 𝙇𝙖𝙣𝙜𝙪𝙖𝙜𝙚 & the 𝘽𝙚𝙨𝙩 𝙊𝙧𝙞𝙜𝙞𝙣𝙖𝙡 𝙎𝙤𝙣𝙜. 🔥🌊🤘🏻🙏🏻🙏🏻🙏🏻 pic.twitter.com/SNJ09sMlPI
— RRR Movie (@RRRMovie) December 12, 2022
فلم آرآرآر کے آفیشل ٹوئٹر ہینڈل سے بھی فلم کوگولڈن گلوب ایوارڈز کیلیے نامزد کیے جانے کی خوشخبری سنائی گئی۔
Delighted that #RRRMovie has been nominated in two categories at the Golden Globe Awards!
Congratulations to all of us… Looking forward.
— Jr NTR (@tarak9999) December 12, 2022
فلم کے ہیروجونیئر این ٹی آر نے بھی فلم کو گولڈن گلوب ایوارڈز کے 2 زمروں میں نامزد کیے جانے پر خوشی کا اظہار کیا۔
What a proud moment @ssrajamouli garu!
Can’t wait to see you conquer world cinema ❤️
Honoured that #RRRMovie bagged the Best Non-English Language Film and the Best Original Song nominations at the @goldenglobes awards! Congratulations team RRR!! 🥳 pic.twitter.com/dZuNpx2Es8— Ram Charan (@AlwaysRamCharan) December 13, 2022
فلم کے شریک ہیرورام چرن نے اپنےٹوئٹ میں فلمساز ایس ایس راجامولی کومخاطب کرتے ہوئے لکھاکہ گرو!کتنا قابل فخر لمحہ ہے،آپ کو عالمی سنیما کو فتح کرتے ہوئے دیکھنے کا انتظار نہیں کرسکتا، اعزاز ہے کہ فلم آرآرآر نے بہترین غیر انگریزی زبان کی فلم اور بہترین اوریجنل گانے کی نامزدگی حاصل کی ہے۔انہوں نے مزید لکھا کہ ٹیم آر آر آر گولڈگلوب ایوارڈزمبارک ہو۔
The path to the Oscars for RRR becomes clearer. But I still don’t get why the Golden Globes hold on to a category called ‘Best film in a non English language ??
RRR deserves to be in the best film category. Period. Congratulations @ssrajamouli
— Shekhar Kapur (@shekharkapur) December 12, 2022
دوسری جانب فلمساز شیکھر کپور کا کہنا تھا کہ اس نامزدگی کو حاصل کرنے کا مطلب یہ ہے کہ فلم کا آسکر تک جانے کا راستہ صاف ہو گیا ہے۔ ایک ٹوئٹ میں انہوں نے لکھاکہ آرآرآر کے لیے آسکر کا راستہ صاف ہو گیا ہےلیکن مجھے ابھی تک یہ سمجھ نہیں آئی کہ گولڈن گلوبز کی کیٹیگری کو غیر انگریزی زبان میں بہترین فلم کیوں کہا جاتا ہے؟ آر آر آڑ بہترین فلم کے زمرے میں آنے کی مستحق ہے۔ انہوں نے ایس ایس راجامولی کو مبارکباد پیش کی۔
فلم آرآرآرایک افسانوی فلم ہے جو 1920میں ہندوستان کی جدوجہد آزادی کے 2 حقیقی کرداروں الوری سیتاراماراجو اور کومارم بھیم کی زندگی کے گردگھومتی ہے۔یہ فلم دنیا بھر میں رواں سال مارچ میں پانچ زبانوں تیلگو، تمل، کنڑ، ملیالم اور ہندی میں ریلیز کی گئی تھی ۔فلم میں عالیہ بھٹ اور اجے دیوگن نے بھی اہم کردار اد اکیا ہے۔
فلم آرآرآر دنیا بھر سے مبینہ طور پر 1200 کروڑ روپے کا بزنس کرنے میں کامیاب رہی ہے۔بھارتی حکومت نے آسکر ایوارڈ کی نامزدگی میں تو فلم کو نظرانداز کردیا تھا تاہم امریکا میں فلم کے پروموٹرز نے اسی آسکرایوارڈز کے تمام 14 زمروں میں نامزدگی کیلیے پیش کیا ہے۔
