کراچی کی عدالت نے اداکار فیروز خان کے بچوں سے متعلق اہم فیصلہ سنا دیا

کراچی کی فیملی کورٹ نے اداکار فیروز خان کی بچوں سے ملاقات اور ماہانہ اخراجات سے متعلق کیس کا فیصلہ سناتے ہوئے انہیں دونوں بچوں کو ماہانہ 80 ہزار روپے دینے کا حکم دے دیا ہے ۔

کراچی کی فیملی کورٹ نے اداکار فیروز خان کی بچوں سے ملاقات اور عبوری اخراجات سے متعلق درخواست پر فیصلہ سنا تے ہوئے دونوں بچوں کی کفالت کیلئے ماہانہ 80 ہزار روپے دینے کا حکم دے دیا ہے ۔

یہ بھی پڑھیے

سابقہ اہلیہ پر تشدد کا الزام: فیروز خان کی مخالفت میں کمی نہ آسکی

کراچی کے ضلع شرقی کی فیملی کورٹ اداکار فیروز خان کے بچوں کی کفالت اور حوالگی سے حوالے سے دائر درخواست کی سماعت ہوئی۔ عدالت  نے فیروز خان کو بیٹے سے ملاقات کی اجازت دیتے ہوئے کہا کہ ان کا حق ہے ۔

عدالت نے اداکار فیروز خان کو حکم دیا کہ بچوں کی کفالت کیلئے بیٹے سلطان کیلئے50 ہزار ماہانہ اور بیٹی  فاطمہ کو30 ہزار روپے ماہانہ فراہم  کرنے کا حکم دیا ہے۔ عدالت نے ہر ماہ کی 14 تاریخ کو رقم دینے کا حکم دیا ہے ۔

عدالت نے فیروز خان کے بیٹے سلطان کو 5 روز کیلئے والد سے ملاقات کی اجازت دیتے ہوئے اسے فیروز خان کی کسٹڈی میں دیتے ہوئے کہا کہ 22 دمسبر سے 27 دسمبر سلطان اپنے والد کے ساتھ ہوگا ۔

عدالت نے کہا کہ بطور والد فیروز خان کا حق ہے وہ بچوں کے ساتھ وقت گزاریں تاہم بیٹی فاطمہ ابھی صرف سات ماہ کی ہیں اور والدہ کے بغیر نہیں رہ سکتی  ہے اس لیے وہ صرف والدہ کے پاس رہے گی ۔

یہ بھی پڑھیے

اداکار فیروز خان اور ان کی اہلیہ سیدہ علیزے شاہ کے راستے جدا ہو گئے

عدالت نے فیروز خان کے بیٹے سلطان کی کسٹڈی 5 روز کیلئے باپ کے حوالے کرنے کا بھی حکم دیا جس پر انکی والدہ نے عدالت کو بتایا کہ سلطان پہلے بھی اپنے والد کے ساتھ رات میں رہ چکا ہے۔

عدالت نے سلطان کو والد فیروز خان  کے حوالے کرنے کا حکم دیتے ہوئے ان سے ایک لاکھ روپے ضمانت اور شناختی کارڈ اور پاسپورٹ عدالتی ناظر کے پاس جمع کراوانے کی ہدایات جاری کیں ہیں ۔