پاکستان میں اقلیتوں کی کوئی آواز نہیں، عشنا شاہ ہندو خاتون کے بہیمانہ قتل پر افسردہ

اداکارہ عشناہ شاہ نے سندھ  میں ہندو خاتون دیا بھیل سے زیادتی اور بہیمانہ قتل  پر غم و غصے کا اظہار کیا ہے۔

سندھ کے ضلع سانگھڑ کے قصبے سنجھورو میں بدھ کو 40 سالہ ہندو خاتون دیا بھیل کو زیادتی کا نشانہ بناکر قتل کرنے کے بعد اس کی سربریدہ لاش گندم کے کھیت میں پھینک دی گئی تھی۔

یہ بھی پڑھیے

اداکارہ شگفتہ اعجاز کو ڈرامے میں داماد کے پاؤں پڑنے پر تنقید کا سامنا

میری موت کی خبر آپ کی سیاسی موت ہوسکتی ہے، فردوس جمال کا افواہ سازوں کو پیغام

عشنا شاہ نے دیا بھیل کے قتل کی خبر اپنے ٹوئٹر ہینڈل پر شیئر کرتے ہوئے لکھا کہ دیا بھیل نامی سندھی ہندوخاتون کوعصمت دری کے بعد انتہائی گھناؤنے طریقے سے  قتل کیا گیا، اس کا سر قلم کیا گیا لیکن میڈیا میں کوئی غم و غصہ نہیں۔

Daya Bhel, a Sindhi Hindu raped, murdered & decapitated in the most heinous manner yet barely any media outrage. Why aren’t we speaking about this. Why are minorities treated in such a sub-par manner.

This is sickening.

RIP Daya Bhel – Daily Times https://t.co/SJgCCL4Cxp

— Ushna Shah (@ushnashah) December 30, 2022

انہوں نے مزید کہا کہ ہم اس کے بارے میں بات کیوں نہیں کر رہے ؟اقلیتوں کے ساتھ اس طرح کا سلوک کیوں کیا جاتا ہے؟یہ تکلیف دہ ہے۔

I have some close Hindu Pakistani friends. Wonderful, kind people, some are even like family to me. They happen to be from privileged homes. I shudder to think that their lives would have been bad they not been, like the majority of minorities, who have no voice.#dayabhel

— Ushna Shah (@ushnashah) December 30, 2022

اداکارہ نے کہا کہ میرے کچھ قریبی ہندو پاکستانی دوست ہیں، حیرت انگیز، مہربان لوگ، کچھ میرے لیے خاندان کی طرح بھی ہیں، وہ مراعات یافتہ گھرانوں سے تعلق رکھتے ہیں، میں یہ سوچ کر کانپ جاتی ہوں کہ ان کی زندگی بھی عذاب  ہوتی اگر وہ  بھی اقلیتوں کی اکثریت کی طرح ہوتے   جن کی کوئی آواز نہیں ہے۔

 عشنا شاہ نے اپنی انسٹاگرام اسٹوری پر بھی دیا بھیل کے بہیمانہ قتل کی خبر شیئر کرتے ہوئے کیپشن میں طنزیہ جملہ لکھا کہ ”پاکستان اقلیتوں کیلیے محفوظ ملک ہے“۔