ناصر ادیب نے مہنگی ترین فلم”دی گریٹ گاما“ کے اسکرپٹ پر کام شروع کردیا

پاکستان کے معروف فلمساز اور مکالمہ نویس ناصر ادیب نے برصغیر کے معروف پہلوان گاما پہلوان کی زندگی پر مبنی فلم”دی گریٹ گاما“کے اسکرپٹ پر کام شروع کردیا۔

زشکو فلمز کے بینر تلے بننے والی اس فلم کو پاکستان سنیما انڈسٹری کی تاریخ کی مہنگی ترین فلم قرار دیا جارہا ہے۔

یہ بھی پڑھیے

فلم دی لیجنڈ آف مولا جٹ نے دنیا بھر سے ایک کروڑ ڈالر کمالیے

لالی ووڈ پکچرز  نے زشکو فلمز  کے حوالے سے بتایا ہے کہ  گاما پہلوان کی زندگی پر مبنی سوانحی فلم” دی گریٹ گاما“ اب تک کی سب سے مہنگی فلم ہوگی اور اسے بڑے پیمانے پر تیار کیا جائے گا۔

As Per Zashko Films, Biopic Film "The Great Gamma” will be the most expensive film to date and will be produced on a grand scale.

Produced by Shayan Khan under the banner of Zashko Films. Director and film lead are yet to announce. #ShayanKhan #NasirAdeeb #TheGreatGamma pic.twitter.com/lHGYtK1dwG

— Lollywood Pictures 🇵🇰 (@LollyPictures) January 3, 2023

زشکو فلمز کے بینر تلے بننے والی اس فلم کو شایان خان پروڈیوس کریں گے جبکہ فلم کے ہدایت کار اور مرکزی کرداروں کا فیصلہ ہونا باقی ہے۔

یاد رہے کہ اس قبل دی لیجنڈ آف مولاجٹ کو پاکستان کی سب سے مہنگی اور سب سے زیادہ بزنس کرنے والی فلم ہونے کا اعزاز حاصل ہے جسے ناصر ادیب نے ہی تحریر کیا تھا۔

مرکزی کرداروں فواد خان، ماہرہ خان ، حمزہ علی عباسی اور حمیمہ ملک پر مشتمل فلم دی لیجنڈ آف مولاجٹ پر تقریباً 30 کروڑ روپے کی لاگت آئی تھی جبکہ دنیا بھر میں یہ فلم 200 کروڑ روپے سے زائد جبکہ صرف پاکستان میں 100 کروڑ روپے سے زائد کا بزنس کرچکی ہے۔