شادی کیلیے اسلام قبول کرنے والی بھارتی اداکارہ راکھی ساونت گرفتار
راکھی ساونت کو اداکارہ شرلین چوپڑا کی جانب سے درج کرائے گئے ہتک عزت کے مقدمے میں امبولی سے گرفتار کیا گیا، شرلین چوپڑا نے گرفتاری کی تصدیق کردی
بھارت میں شادی کیلیے اسلام قبول کرنے والی معروف رقاصہ اور اداکارہ راکھی ساونت کو ہتک عزت کے مقدمے میں گرفتار کرلیا گیا ۔
بھارتی میڈیا کے مطابق راکھی کو بھارتی اداکارہ شیرلن چوپڑا کی جانب سے دائر کردہ ہتک عزت کےمقدمے میں گرفتار کیا گیا ہے ۔
یہ بھی پڑھیے
عادل درانی نے بالآخر راکھی سے شادی کی تصدیق کردی
شادی سے مکرنے والے عادل خان نے راکھی کے سامنے آتے ہی بیان بدل ڈالا
بھارتی میڈیا کے مطابق راکھی ساونت آج شام شوہر عادل خان کے ہمراہ اپنی ڈانس اکیڈمی کا افتتاح کرنے والی تھیں تاہم آج صبح نہیں امبولی پولیس کی جانب سے گرفتار کرلیا گیا۔
شرلین چوپڑا نے اپنے ٹوئٹ میں راکھی کی گرفتاری کی تصدیق کرتے ہوئے لکھاکہ راکھی ساونت کو امبولی پولیس نے گرفتار کرلیا ہے ،گزشتہ روز ممبئی کی سیشن کورٹ نے راکھی ساونت کی درخواست ضمانت مسترد کردی تھی۔
BREAKING NEWS!!!
AMBOLI POLICE HAS ARRESTED RAKHI SAWANT IN RESPECT WITH FIR 883/2022
YESTERDAY, RAKHI SAWANT’S ABA 1870/2022 WAS REJECTED BY MUMBAI SESSIONS COURT
— Sherlyn Chopra (शर्लिन चोपड़ा)🇮🇳 (@SherlynChopra) January 19, 2023
یاد رہے کہ شرلین چوپڑا نے گزشتہ برس اکتوبر میں ساجد خان کے خلاف جوہو پولیس اسٹیشن میں اپنا بیان ریکارڈ کروانے کے بعد میڈیا سے بات کرتے ہوئے سلمان خان پر فلمساز ساجد خان کی حفاظت کرنےکا الزام عائد کیا، جس پر راکھی ساونت نے ساجد کا دفاع کرتے ہوئے شرلین چوپڑا کو بہت برا بھلا کہا تھا۔
شرلین چوپڑا نے راکھی کے بیانات کے خلاف ان پر ہتک عزت کا مقدمہ درج کروایا تھا۔حال ہی میں راکھی نے اسلام قبول کرکے بگ باس سیزن 14 میں شریک عادل درانی سے شادی کرلی تھی۔راکھی نے اسلام قبول کرنے کے بعد اپنا نام فاطمہ رکھا تھا۔
