چیف آف دی نیول اسٹاف انٹرنیشنل سیلنگ ریگاٹا 2023 کی افتتاحی تقریب
افتتاحی تقریب میں حاضر سروس اور ریٹائرڈ افسران کے ساتھ ساتھ سول حکام ، منتظمین، اسپانسرز، کھلاڑیوں اور میڈیا کے نمائندگان نے شرکت کی۔
کراچی: پہلے چیف آف دی نیول اسٹاف انٹرنیشنل سیلنگ ریگاٹا 2023 کا کراچی میں آغاز ہوا۔ صدر پاکستان سیلنگ فیڈریشن ریئر ایڈمرل محمد سلیم ایکویٹک کلب کراچی میں منعقد ہونے والی تقریب کے مہمان خصوصی تھے۔
پاکستان میں منعقد ہونے والی یہ اپنی نوعیت کی پہلی سیلنگ چیمپین شپ ہے جس میں بے شمار غیر ملکی کھلاڑی حصہ لے رہے ہیں۔
یہ بھی پڑھیے
جنوبی وزیرستان میں معصوم بچوں کی شہادت: دہشتگردوں کے خلاف آپریشن تھا یا ڈرون حملہ ، متضاد اطلاعات
پاک بحریہ کا پہلا بحری جہاز امدادی سامان کی بڑی کھیپ لے کر شام پہنچ گیا
چیمپین شپ کا مقصد بحری کھیلوں کے فروغ کے ذریعے قومی و بین الاقوامی ملکوں کے سیلرز کو ایک پلیٹ فارم پر جمع کرنا ہے۔ یہ مقابلے پاکستانی نوجوان ٹیلینٹ کے لیے بھی ایک پلیٹ فارم مہیا کرے گا تاکہ قومی ٹیم کی صلاحیتوں کو فروغ دے کر انھیں مستقبل کے عالمی مقابلوں جیسے کہ ایشین گیمز ،اولمپکس وغیرہ کے لیے تیار کیا جاسکے۔
یہ چیمپین شپ 15 سے 19 مارچ تک جاری رہے گی جس میں لیزر سٹینڈرڈ ، لیزر 4.7 اور ونڈ سرفنگ کی کیٹیگریز میں مقابلے ہوں گے۔
چیمپین شپ میں آسٹریلیا ، بحرین، مصر، ملائیشیا، عمان، سنگاپور، سری لنکا اور تھائی لینڈ کے کھلاڑیوں سمیت پاکستانی کھلاڑی شرکت کریں گے اور کراچی کے پانیوں میں مختلف کیٹیگریز میں اپنی صلاحیتوں کا مظاہرہ کریں گے۔
افتتاحی تقریب میں حاضر سروس اور ریٹائرڈ افسران کے ساتھ ساتھ سول حکام ، منتظمین، اسپانسرز، کھلاڑیوں اور میڈیا کے نمائندگان نے شرکت کی۔
