این سی او سی کا کرونا کیخلاف 500 دن کی شاندار کارکردگی پر جشن
ادارے کی کامیابی پر مشتمل دستاویزی فلم عزم عالیشان جاری کردی گئی۔
پاکستان میں کرونا وائرس سے شہریوں کو محفوظ رکھنے کے لیے بنائے گئے ادارے نیشنل کمانڈ اینڈ آپریشن سینٹر (این سی او سی) کی تکمیل کے 500 دن مکمل ہوگئے ہیں۔ وفاقی وزیر اسد عمر نے ادارے کی کامیابی پر مشتمل دستاویزی فلم عزم عالیشان جاری کردی۔ وزیراعظم عمران خان اور آرمی چیف نے ٹیم کو خراج تحسین پیش کیا۔
پاکستان میں کرونا وائرس کے کیسز میں تیزی سے اضافے کے بعد اس مہلک بیماری کی روک تھام اور ملک میں بروقت کرونا ویکسین کی فراہمی کے لیے نیشنل کمانڈ اینڈ آپریشن سینٹر کے نام سے ادارا قائم کیا گیا جس میں سیاستدان، ڈاکٹرز اور پاک فوج کے اسپیشل آفیسرز شامل ہیں۔
این سی او سی کے ملک میں اسمارٹ لاک ڈاؤن کے فیصلوں اور دنیا بھر سے بروقت ویکسین کی فراہمی کے باعث پاکستان اب تک اس مہلک وائرس سے زیادہ متاثر ہونے سے محفوظ رہا ہے۔ این سی او سی کی بدولت ہی پاکستان کو ترقی پذیر ممالک میں سب سے زیادہ وائرس پر کنٹرول کرنے کا اعزاز حاصل ہے۔
Today marks the 500th day of NCOC. A documentary portraying the ‘Unified Endeavor’ displayed by the nation against COVID pandemic has been launched today. https://t.co/1EsBB0rmPB pic.twitter.com/ekiPBVDv2O
— NCOC (@OfficialNcoc) August 8, 2021
یہ بھی پڑھیے
اس سال بھی جشن آزادی کرونا کے سائے میں
نیشنل کمانڈ اینڈ آپریشن سینٹر کی تکمیل کے 500 دن مکمل ہونے پر وفاقی وزیر اسد عمر نے سماجی رابطوں کی ویب سائٹ ٹوئٹر پر دستاویزی فلم جاری کردی ہے جبکہ پاک فوج کے شعبہ تعلقات عامہ نے بھی اس ویڈیو کو اپنے یوٹیوب چینل پر جاری کیا ہے۔ اپنے بیان میں اسد عمر نے لکھا کہ دستاویزی فلم میں ان تمام پہلوؤں کا ذکر کیا گیا ہے جس پر عملدرآمد کرکے پاکستان نے اس عالمی وبا کا مقابلہ کیا۔
آج NCOC کی تشکیل کے 500 دن مکمل ہو گئے. اس موقع پر بنائی جانے والی دستاویزی فلم، جس میں وہ تمام پہلو جن پر کام کر کے پاکستانی قوم نے کرونا کا مقابلہ کیا اور دنیا سے پزیرائی حاصل کی، اجاگر کئے گئے ہیں. https://t.co/yopRU1CHD2
— Asad Umar (@Asad_Umar) August 8, 2021
وزیراعظم عمران خان نے اپنی ٹوئٹ میں این سی او سی کی ٹیم کو خراج تحسین پیش کرتے ہوئے کہا کہ کرونا وائرس سے نمٹنے کے حوالے سے ہماری حکمت عملی کی دنیا تعریف کررہی ہے، این سی او سی کی ٹیم نے پاکستان کو کرونا کے مہلک ترین اثرات سے بچایا ہے۔
Our Covid 19 response strategy has been appreciated by the world and with the blessings of Allah has protected Pakistan from the worst effects of Covid. I want to pay tribute to the NCOC team which through its dedicated work has been the linchpin of our Covid response strategy.
— Imran Khan (@ImranKhanPTI) August 8, 2021
آرمی چیف جنرل قمر جاوید باجوہ نے بھی اپنے بیان میں کہا کہ این سی او سی کا ملک میں کرونا کے خلاف جنگ میں مرکزی کردار رہا ہے۔ 500 دنوں میں ٹیم کی کارکردگی قابل تعریف ہے، ہم قوم کی خدمت کرنے والوں کو سلام پیش کرتے ہیں۔
“NCOC has remained pivotal to Pakistan’s riposte against COVID-19. It symbolises optimised national response in adversity, saving precious lives. Accolades for the NCOC team on completing 500 days of continuous struggle & delivery”. COAS https://t.co/4su2aPQwh8
— DG ISPR (@OfficialDGISPR) August 8, 2021