انوکھی دعوت ولیمہ کے سوشل میڈیا پر چرچے
نوبیاہتا جوڑا پسماندہ علاقے میں پلاؤ کی دیگیں لے کر پہنچ گیا اور غریبوں کو کھانا کھلایا۔
پاکستان میں عالیشان شادیاں روایت بنتی جارہی ہیں۔ صاحب حیثیت لوگ شادی کی صرف ایک تقریب پر بھی لاکھوں روپے خرچ کردیتے ہیں۔ لیکن کراچی کے شادی شدہ جوڑے کی انوکھی دعوت ولیمہ نے غریبوں کو خوش کردیا۔
پچھلے دنوں کئی ایسی شادیاں دیکھنے کو ملیں جن کی تقریبات کا سلسلہ ختم ہونے کا نام ہی نہیں لے رہا تھا۔ سوشل میڈیا پر بھی ان شادیوں کے خوب چرچے ہوئے۔
ہمارے معاشرے میں شاہانہ شادی کا یہ رواج ان خاندانوں پر دباؤ بڑھا رہا ہے جنہیں 2 وقت کی روٹی کمانے کے لئے بھی سخت محنت کرنی پڑتی ہے۔
کراچی میں ایک شادی شدہ جوڑے نے انوکھی دعوت ولیمہ منعقد کرکے مثال قائم کردی۔ نوبیاہتا جوڑے نے ایک پسماندہ علاقے کا انتخاب کیا اور پلاؤ کی دیگیں لے کر پہنچ گئے۔ اس ولیمے کی انوکھی تقریب میں غریب خاندانوں بلخصوص بچوں کو کھانا کھلایا گیا۔
A newly-married couple wanted to arrange a Daawat e Walima in the form of a dastarkhuaan too. And they did it this way!
👏👏#Karachi pic.twitter.com/L9WT9UkvR7— azhar khan (@azharkhn4) January 1, 2021
اس منفرد شادی کی تقریب کو سوشل میڈیا صارفین کی جانب سے سراہا گیا۔ سماجی رابطے کی ویب سائٹ ٹوئٹر پر جاری پیغام میں ایک صارف نے لکھا کہ اس طرح کی سوچ ہمیں آگے لے جاسکتی ہے۔
بہترین
اس طرح کی سوچ ہمیں آگے لے جاسکتی ہے۔
یہ جو بھی ہیں اللہ انہیں خوش رکھے آباد رکھے— Syed Asif Ali Shah (@asifalishah1988) January 1, 2021
یہ بھی پڑھیے
سستی شادی میں مہنگی شادی کے لوازمات
متعدد صارفین نے اقدام پر جوڑے کو ڈھیروں دعائیں دیں ۔
ماشآءاللہ😍😍 اللہ تعالٰی انکی جوڑی صدا سلامت رکھے اور زندگی خوشیوں سے بھر دے جنکے دل میں غریبوں اور نادار لوگوں کی قدر ہیں
— Malik Tariq (@MalikTa13830143) January 1, 2021
اس سے پہلے بھی چند شادی شدہ جوڑوں کی جانب سے سستی شادیوں کی روایت ڈالنے کی کوشش کی گئی۔
سوشل میڈیا صارف طلحٰہ بھٹی نے بتایا کہ شادی پر گھر میں ایک چھوٹی تقریب منعقد کی گئی جس میں 10 سے 15 رشتہ دار شریک ہوئے۔ ولیمے کے لیے کچھ دیگیں تیار کروا کر غریبوں میں کھانا تقسیم کیا گیا۔
No Mayun, Dholki, Mehndi or even Baraat.
We had a simple Nikkah and then a small gathering at home with hardly 10-15…
Posted by Talha Bhatti on Sunday, 8 November 2020
اسی طرح ایک اور جوڑے نے بھی شادی کا فنکشن صرف ایک لاکھ 15 ہزار روپے میں نمٹالیا۔ سوشل میڈیا پر یہ سستی شادی موضوع بحث بنی۔
آپ نے دو سو کروڑ کی شادی کا بہت چرچا سنا اس پر بہت سی تنقید ہوئی ہم نے وہی سارے کام اور فنکشن ایک لاکھ پندرہ ہزار میں سر انجام دے دئے
میوزک بھی ڈانس بھی رسمیں بھی کمرے میں سجاوٹ بھی
اور دلہا دلہن بھی دونوں خوش
شادی تو ایسے بھی ہو سکتی تو کیوں اس کو خوشی کی بجاے پریشانی بنائیں pic.twitter.com/xmMENLaNj6— Khurram (@Khurram_zakir) November 16, 2020
