جنوبی افریقی خاتون کے گھر بیک وقت 10 بچوں کی پیدائش

گوسیامی تمارا نامی خاتون کے گھر بیک وقت 7 بیٹوں اور 3 بیٹیوں کی پیدائش ہوئی ہے۔

جنوبی افریقہ سے تعلق رکھنے والی خاتون کے گھر بیک وقت 10 بچوں کی پیدائش ہوئی ہے۔

بین الااقوامی میڈیا کے مطابق 25 سالہ گوسیامی تمارا نامی خاتون کے گھر 7 بیٹوں اور 3 بیٹیوں کی پیدائش ہوئی ہے۔ انہوں نے مراکش خاتون کا ورلڈ ریکارڈ توڑا ہے جن کے گھر رواں برس مئی میں 9 بچوں کی پیدائش ہوئی تھی۔

یہ بھی پڑھیے

ماسک کا مذاق یوٹیوبرز کو ملک بدر کراسکتا ہے

بچوں کی پیدائش سے قبل گوسیامی تمارا کا الٹرا ساؤنڈ کیا گیا تھا جس میں 8 بچوں کی نشاندہی ہوئی تھی جبکہ 2 بچے اسکین نہیں ہوسکے تھے۔ ان کے پہلے بھی جڑواں بچے ہیں جن کی عمر 6 سال ہے۔

ڈاکٹرز کا کہنا ہے کہ تمام بچے زندہ ہیں مگر قبل از وقت پیدائش کی وجہ سے اُن کا وزن کم ہے۔ ان بچوں کو چند ماہ کے لیے انکیوبیٹر پر رکھا جائے گا تاکہ وہ صحت مند ہوسکیں۔

متعلقہ تحاریر