کلیان ایم باپےکا متنازعہ گول، فرانس نیشنز لیگ کا عالمی چیمپئن بن گیا
ریفری کی جانب سے متنازعہ گول کو درست قرار دیاگیا ہے جس کے بعد فرانس پہلی مرتبہ نیشنز لیگ کا عالمی چیمپئن بننے میں کامیاب ہوا
فٹ بال کے موجودہ عالمی چیمپئن ملک فرانس نے گزشتہ شب کھیلے گئے فائنل میچ میں اسپین کو ایک کے مقابلے میں دو گول سے ہرا کر یووئیفا نیشنز لیگ کا فائنل جیت لیا۔
اٹلی کے شہر میلان میں کھیلا گیا فائنل میچ یورپ کی دو مضبوط ٹیموں کے درمیان تھا جو ابتدا سے ہی سنسنی خیز رہا، میچ شروع ہونے کے بعد پہلا گول اسپین نے چونسٹھ ویں منٹ میں کیا تاہم اسپین کی یہ خوشی زیادہ دیر تک قائم نہیں رہ سکی اور دو منٹ بعد ہی فرانس کی طرف سے کریم بینزیم نے گول کرکے میچ برابر کردیا اور پھر کلیان مباپے نے دوسرا فیصلہ کن گول کرکے پہلی مرتبہ فرانس کو نیشنز لیگ کا عالمی چیمپئن بنا دیا۔
Mbappe ⚡️ pic.twitter.com/kqGKNcWING
— Goal (@goal) October 10, 2021
اگرچہ کلیان مباپے کے اسکور کردہ گول کو بہت سارے لوگوں کی جانب سے متنازعہ کہا جارہا ہے لیکن ریفری کی جانب سے اس کو گول قرار دیاگیا ہے جس کے بعد فرانس پہلی مرتبہ نیشنز لیگ کا عالمی چیمپئن بننے میں کامیاب ہوا۔
🇫🇷 Congratulations France, 2021 UEFA Nations League champions!🎉🎉🎉#NationsLeague pic.twitter.com/djSrqtrGmc
— UEFA Nations League (@EURO2024) October 10, 2021
لوئیس اینرک کی رہنمائی اسپین کی ٹیم نے ابتداء میں فرانس کی ٹیم کو کھل کر کھیلنے ہی نہیں دیا اسپین کی ٹیم میں نوجوان اور تجربہ کار کھلاڑیوں کا ایک بہترین مجموعہ ہے جس نے عمدہ کھیل پیش کیا اسپین کی ٹیم اس ٹورنامنٹ میں فیورٹ ٹیمزمیں شامل تھی اس ٹیم نے پہلے سیمی فائنل میں یورو چمپئن اٹلی کو بھی شکست دی تھی، انہیں ایک بار پھر امید ہوگی کہ ان کی ٹیم فرانس کے خلاف بھی ایسی ہی کارکردگی دُہرائے تاہم ایسا نہ ہوسکا ۔
