طلحہ طالب نے قومی ویٹ لفٹنگ چیمپیئن شپ میں گولڈ میڈل جیت لیا

طلحہ طالب نے رواں سال ٹوکیو اولمپکس میں پاکستان کی نمائندگی کی تھی، انہوں نے 67 کلو کی کیٹیگری میں پانچویں پوزیشن اپنے نام کی تھی۔

ویٹ لفٹر طلحہ طالب نے قومی ویٹ لفٹنگ چیمپیئن شپ 2021 میں گولڈ میڈل جیت لیا ہے۔ انہوں نے میڈل جیتنے کے ساتھ ساتھ تین قومی ریکارڈز بھی اپنے نام کیے ہیں۔

طلحہ طالب نے یہ اعزاز 31 اکتوبر سے 4 نومبر تک جاری رہنے والی نیشنل ویٹ لفٹنگ چیمپیئن شپ میں آج حاصل کیا۔

یہ بھی پڑھیے

نوسربازوں نے شہروز کاشف اور طلحہ طالب کو لاکھوں کا چونا لگا دیا

پاکستانی لڑکیاں ویٹ لفٹنگ کے لیے میدان میں آگئیں

طلحہ نے سماجی رابطے کی ویب سائٹ پر ٹویٹ کرتے ہوئے بتایا کہ انہوں نے 145 کلو اور 171 کلو وزن اٹھایا ہے۔

طلحہ طالب نے رواں سال ٹوکیو اولمپکس میں پاکستان کی نمائندگی کی تھی، انہوں نے 67 کلو کی کیٹیگری میں پانچویں پوزیشن اپنے نام کی تھی۔

اس سے پہلے طلحہ نے کامن ویلتھ چیمپئن شپ اور انٹرنیشنل سالیڈیریٹی چیمپئن شپ میں پاکستان کے لیے گولڈ میڈلز جیتے تھے۔

اسپورٹس جرنلسٹ شعیب جٹ نے طلحہ طالب کی ویٹ لفٹنگ کی ویڈیو شیئر کی اور کہا کہ طلحہ نیشنل ریکارڈز بنا رہے ہیں اور آنے والے اولمپکس اور کامن ویلتھ گیمز کی تیاری کر رہے ہیں۔

متعلقہ تحاریر