نیوزی لینڈ کے ہاتھوں افغانستان کی شکست ، سوشل میڈیا پر میمز کا طوفان

کیویز کی افغانیوں کے خلاف فتح کے بھارتی سورماؤں کی سیمی فائنل تک رسائی کی امیدوں پر پانی پھیر دیا۔

پاکستان نے آئی سی سی ٹی ٹوئنٹی ورلڈ کپ کے سپر 12 مرحلے کے میچ میں اسکاٹ لینڈ کو شکست دے دی ، اس سے قبل نیوزی لینڈ نے افغانستان کے خلاف فتح کے جھنڈے گاڑتے ہوئے انڈین کرکٹ ٹیم کی سیمی فائنل تک رسائی کی امیدوں پر پانی پھیر دیا ہے۔

متحدہ عرب امارات میں ہونے والے آئی سی سی ٹی ٹوئنٹی ورلڈ کپ میں افغانستان کی ہار سے انڈین کرکٹ ٹیم کو شدید دھچکا پہنچا ہے، کیونکہ جنوبی ایشیا کا ملک انڈیا میگا ایونٹ کی سب سے بڑی براڈ کاسٹنگ کی مارکیٹ تصور کیا جاتا ہے۔

یہ بھی پڑھیے

پاکستان نے اسکاٹ لینڈ کو بڑے مارجن سے ہرا دیا

نیوزی لینڈ نے افغانستان کو8 وکٹوں سے شکست دے دی

دوسری جانب ٹیم پاکستان نے ٹی ٹوئنٹی ورلڈ کپ میں گزشتہ روز متحدہ عرب امارات میں اپنی ناقابل شکست رنز کا سلسلہ جاری رکھتے ہوئے شارجہ کرکٹ اسٹیڈیم میں اسکاٹ لینڈ کو 72 رنز سے شکست دے دی۔

آئی سی سی کے میگا ایونٹ میں گرین شرٹس کی لگاتار پانچویں اور متحدہ عرب امارات میں 16ویں فتح تھی۔

پاکستان اب سیمی فائنل میں پہنچ گیا ہے جہاں اس کا مقابلہ 11 نومبر کو آسٹریلیا سے ہوگا۔

نیوزی لینڈ کی افغانستان کو 8 وکٹوں سے شکست دینے کے بعد انڈیا سے متعلق سوشل میڈیا پر مضحکہ خیز اور دلچسپ میمز کا سلسلہ چل نکلا ہے۔

بھارتی کرکٹ ٹیم کے سابق بلے باز ویرندر سہواگ نے سماجی رابطوں کی ویب سائٹ ٹوئٹر پر لکھا ہے کہ "آئی سی سی ٹی 20 ورلڈ کپ میں انڈیا کی کمپین۔”

انڈیا کے سابق باؤلر عرفان پٹھان نے ماضی کی فلم شعلے کا اسکرین شارٹ شیئر کرتے ہوئے لکھا ہے کہ "کیپشن کی ضرورت نہیں۔”

 

وسیم جعفر نامی ٹوئٹر صارف نے انڈیا پر طنز کرتے ہوئے ایک تصویر شیئر کی ہے۔

ویرات کوہلی کے ٹوئٹ پر ٹوئٹ کرتے ہوئے پاکستان کے معروف اینکر وسیم بادامی نے لکھا ہے کہ "خیریت سے جائیں۔”

ویرات کی ایک تصویر شیئر کرتے ہوئے علی سلمان علوی نے لکھا ہے "سامان باندھو لڑکو۔”

پاکستان شوبز انڈسٹری کے معروف اداکار فہد مصطفیٰ نے ویرات کوہلی کےٹوئٹ پر طنز کرتے ہوئے ٹوئٹر پر لکھا ہے کہ "سیکورٹی کا مسئلہ ہو تو ہم حاضر ہیں۔”

افغانستان کے ہاتھوں شکست کے بعد گزشتہ روز ممبئی ایئر پورٹ سوشل میڈیا پر ٹرینڈ کرتا ہے۔

Pakistan Scotland New Zealand Afghanistan
google

 

متعلقہ تحاریر