ٹی ٹوئنٹی ورلڈ کپ 2021: ایشیائی اوشینک ریجن فائنل میں آمنے سامنے

آسٹریلیا اور نیوزی لینڈ کی ٹیموں کے درمیان اب تک 14 ٹی ٹوئنٹی میچز کھیلے جاچکے ہیں 9 میں آسٹریلیا فاتح رہا جبکہ 4 میں جیت نیوزی لینڈ کے حصے میں آئی۔

آئی سی سی ٹی ٹوئنٹی ورلڈ کپ کے فائنل میں آج نیوزی لینڈ اور آسٹریلیا کی کرکٹ ٹیمیں آپس میں ٹکرائیں گی۔

عمان اور متحدہ عرب امارات میں ہونے ٹی ٹوئنٹی ورلڈ کپ کے پہلے سیمی فائنل میں نیوزی لینڈ نے انگلینڈ پر فتح حاصل کی تھی جبکہ دوسرے سیمی فائنل میں آسٹریلیا نے پاکستان کو شکست سے دوچار کیا تھا۔

یہ بھی پڑھیے

ڈاکٹر نعمان نیاز نے شعیب اختر غیرمشروط معافی مانگ لی

کرکٹ کا جنون:قومی کرکٹ ٹیم بنگلادیش میں محاذ کھولنے کے لیے تیار

نیوزی لینڈ آج دبئی میں T20 ورلڈ کپ کے فائنل میں آسٹریلیا سے مقابلہ کرنے کے لیے تیار ہے کیونکہ ایشیائی اوشیانک دشمنی میں ایک نیا باب لکھا جائے گا۔

ابوظہبی میں پہلے سیمی فائنل میں کیویز نے شاندار مظاہرہ کرتے ہوئے ٹورنامنٹ کے فیورٹ انگلینڈ 5 وکٹوں سے شکست دی تھی۔ انگلینڈ نے نیوزی لینڈ کے پہلےکھیلتے ہوئے مقررہ 20 اوورز میں 166 رنز بنائے تھے اور مخالف ٹیم کو جیت کے لیے 167 رنز کا ہدف دیا تھا۔ جواب میں نیوزی لینڈ کی ٹیم نے مطلوبہ ہدف 19 اوور میں حاصل کرلیا تھا۔

دوسرے سیمی فائنل میں آسٹریلیا نے پاکستان کو 5 وکٹوں سےشکست دی تھی۔ پاکستان نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 176 رنز بنائے تھے اور مخالف ٹیم کو جیت کے لیے 177 رنز کا ہدف دیا تھا۔ آسٹریلیا نے مقررہ ہدف ایک اوور پہلے حاصل کرتے ہوئے فائنل تک رسائی حاصل کرلی تھی۔

اتوار کا تصادم 2015 کے 50 اوور کے فائنل کی یادیں تازہ کر دے گا جب آسٹریلیا نے نیوزی لینڈ کو سات وکٹوں سے شکست دے کر اپنا پانچواں ون ڈے ورلڈ کپ جیت تھا۔

ایرن فنچ کی آسٹریلیائی ٹیم کے پاس ایسے لڑکوں کا ایک گروپ ہے جو حقیقی معنی میں میچ کو فاتح بدل سکتے ہیں۔

جمعرات کو 177 رنز کا تعاقب کرتے ہوئے آسٹریلیا 96-5 پر مشکل میں تھا جب مارکس اسٹونیس (40) اور میتھیو ویڈ (41) نے 82 رنز کی ناقابل شکست شراکت قائم کی اور ایک اوور باقی رہنے کے باوجود میچ جیت لیا تھا۔

نیوزی لینڈ بمقابلہ آسٹریلیا ICC مینز T20 موازنہ

اب تک تاریخ کے مطابق دونوں ٹیموں میں سے کوئی ٹیم بھی ٹی ٹوئنٹی ورلڈ کپ جیتنے میں کامیاب نہیں ہوئی۔ آسٹریلیا 2010 میں رنز اپ رہا تھا۔

اب تک، آسٹریلیا بمقابلہ نیوزی لینڈ کے درمیان تینوں فارمیٹس میں 252 مواقع پر میچز ہو چکے ہیں۔ آسٹریلیا نے 252 میں سے 149 میچ جیتے ہیں جبکہ بلیک کیپس صرف 51 میچوں میں فتح حاصل کرنے میں کامیاب ہوئی ہیں۔ اس سے اوشینک ریجن میں آسٹریلیا کی کرکٹ ٹیم کا غلبہ ظاہر ہوتا ہے لیکن نیوزی لینڈ نے پچھلے کچھ سالوں میں کافی بہتری دکھائی ہے۔

ٹی ٹوئنٹی ورلڈ کپ نیوزی لینڈ آسٹریلیا
google

آسٹریلیا اور نیوزی لینڈ پہلی بار 1946 میں ٹیسٹ میچز میں آمنے سامنے ہوئے جس کے نتیجے میں آسٹریلیا کی فتح ہوئی۔ تاہم  13 مارچ 1974 تک میچ کے نتائج ہمیشہ آسٹریلیا کے حق میں رہے، 1974 میں نیوزی لینڈ کی کرکٹ ٹیم نے آسٹریلیا کے خلاف اپنا پہلا میچ جیتا تھا۔

متعلقہ تحاریر