بھارتی انجینیئر کے گھرچھاپہ، سیوریج پائپ سے لاکھوں روپے برآمد
کرناٹک میں انسدادبدعنوانی بیورو کا پی ڈبلیوڈی کے انجینئر کے گھر پرچھاپہ ،سیوریج لائن اور دیگر مقامات سے 40 لاکھ روپے ملے
بھارتی میڈیا کے مطابق بھارتی ریاست کرناٹک کے ضلع گلبرگہ میں سرکاری افسران کے خلاف ریاست گیر کریک ڈاؤن کے سلسلے میں انسداد بدعنوانی بیورو نے محکمہ تعمیرات عامہ پی ڈبلیوڈی کے جوائنٹ انجینیئر شانتھا گواڑا برادرکے گھر پر چھاپہ مارا اور پانی کےپائیپوں اور دیگر خفیہ مقامات سے 40 لاکھ بھارتی روپے اور بھاری مقدار میں سونا برآمد کرلئے۔
انسداد بدعنوانی بیوروں کی جانب سے جاری کردہ ویڈیو میں دیکھا جاسکتا ہے کہ پی ڈبلیوڈی کے جوائنٹ انجینئر شانتھا گواڑا برادر نے گھر میں سیوریج کی مصنوعی لائنیں بچھائی ہوئی تھی جس میں لاکھوں روپے چھپائے گئے تھے ،ادارے کے اہلکاروں نے پلمبر کی مدد سے لائنوں کو کھولا اور لاکھوں روپے کیش برآمد کرلئے۔
یہ بھی پڑھیے
بھارتی کسانوں کا احتجاج رنگ لے آیا، مودی نے معافی مانگ
انڈیا میں انتہاپسندی عروج پر، بین المذاہب شادیاں بھی خطرے سے دوچار
ACB officials find money in the Pipeline of PWD Junior Engineer Shanta Gowda’s house in Kalaburagi, #Karnataka. #ACB #PWDOfficial #viralvideo pic.twitter.com/yMkoqawdgl
— IndiaToday (@IndiaToday) November 24, 2021
واضح رہے کہ ادارے کی جانب سے چیف منسٹر بسواراج بومئی کو خفیہ رپورٹ پیش کی گئی جس میں بتایا گیا تھا کہ سرکاری اہلکار سنگین بدعنوانیوں میں ملوث ہیں ،ریاست گیر بدعنوانی کے خلاف جاری آپریشن میں 15 سرکاری افسران کے خلاف ان کی رہائش گاہوں سمیت 60 مختلف مقامات پر چھاپہ مار کارروائیاں کی گئی ہیں ادارے نے بنگلور ڈیولپمنٹ اتھارٹی کے دفتر پر بھی چھاپا مارا تھا جس میں لاکھوں روپے برآمد کئے گئے تھے ۔