پاکستان نے بنگلادیش کو ٹیسٹ سیریز میں بھی کلین سوئپ کردیا

ساجد خان کی بہترین باؤلنگ کی وجہ سے پاکستان نے بنگلادیش کو دوسرے ٹیسٹ میچ میں شکست دے کر سیریز میں کلین سوئپ کردیا ہے۔

ڈھاکہ میں کھیلے گئے دوسرے ٹیسٹ میچ میں سنسنی خیز صورتحال کے بعد پاکستان نے بنگلادیش کو ایک اننگز اور 8 رنز سے شکست دے دی ہے۔ پاکستان کی جانب سے ساجد خان نے بہترین باؤلنگ کرتے ہوئے 12 کھلاڑیوں کو پویلین کی راہ دکھائی۔

یہ بھی پڑھیے

ڈھاکہ ٹیسٹ: ساجد خان کی 8 وکٹیں ، پاکستان نے بنگلادیش کو فالو آن کردیا

ڈھاکہ ٹیسٹ میچ میں آخری روز 13 وکٹیں گریں۔ بنگلادیش کی ٹیم نے دوسری اننگرز میں 205 رنز اسکور بنائے۔ پہلی اننگز میں بنگلادیش نے 87 رنز اسکور بنائے تھے۔

ڈھاکہ ٹیسٹ کے 5ویں روز پاکستانی باؤلرز نے بنگلادیشی بلے بازوں کے پرخچے اڑاتے ہوئے ساری ٹیم کو 87 رنز پر آؤٹ کرکے 213 رنز کی برتری کے ساتھ فالو آن کر دیا تھا۔ پہلی اننگز میں ساجد علی نے بہترین باولنگ کرتے ہوئے 8 کھلاڑیوں کو شکار کیا تھا۔

بنگلادیش کے دارالحکومت ڈھاکہ میں دو ٹیسٹ میچز پر سیریز کا دوسرا ٹیسٹ پاکستان اور بنگلادیش کے درمیان کھیلا جارہا ہے۔ بارش کی وجہ سے چوتھے روز بھی میچ تاخیر شروع ہوا ۔ اظہر علی نے 56 رنز اور کپتان بابر اعظم نے 76 رنز سے اننگز کا دوبارہ آغاز کیا ۔ تاہم کپتان بابر اعظم آتے ہی آؤٹ ہو گئے۔ پاکستان کی جانب سے فواد عالم نے 50 رنز اسکور کیے اور محمد رضوان 53 رنز بنا کر آؤٹ  ہوئے۔ اس کے بعد پاکستان نے پہلی اننگز 300 رنز پر ڈیکلیئر کردی۔

بنگلادیش کی ٹیم کا آغاز اچھا نہیں رہا اور ابتداء ہی سے ان کی بیٹنگ لائن لڑکھڑا گئی ۔ اور چوتھے دن کے اختتام تک بنگلادیش کے 7 کھلاڑی 76 رنز بنا کر پوہلین لوٹ گئے تھے۔ شادمان اسلام  نے 3 رنز، محمود الحسن (0)،  نجم الحسن 30 ، مومن الحق (1)، مشفیق الرحیم (5)، مہدی حسن (0) اور  لٹن داس نے صرف 6 رنز بنائے۔

چوتھے دن کے اختتام تک پاکستان کی جانب سے اسپنر ساجد خان نے بہترین باؤلنگ کرتے ہوئے چھ وکیٹیں حاصل کیں تھیں۔

پاکستان کی نئی پہچان اسپن ساجد خان نے بنگلادیشی اوپنرز محمود الحسن کو صفر پر اور شادمان اسلام کو تین رن پر آؤٹ کردیا۔ جبکہ کپتان مومن الحق ایک رن پر رن آؤٹ ہوئے ، چائے کے وقفے تک بنگلادیش کے 3 کھلاڑی 22 رنز پر آؤٹ ہو چکے تھے۔