باکسر محمد علی کے پوتے بھی بہترین فائٹر نکلے

نیکو علی والش نے سال کی تیسری فائٹ جیت لی، رواں سال اگست میں علی والش نے جارڈن ویکس کو شکست دی تھی۔

محمد علی کے پوتے نیکو علی والش نے نیویارک میں منعقدہ رواں سال کی اپنی تیسری فائٹ جیت لی ہے، وہ پچھلے چار مہینے سے لگاتار فائٹس کر رہے ہیں۔

علی والش نے ریئیز سینچز کو تین صفر سے شکست دی، انہوں نے کہا کہ وہ اپنے دادا اور جو فریزر کی مارچ 1971 میں ہونے والی فائٹ کی جگہ پر ہی باکسنگ کرنے پر بہت پرجوش ہیں۔

یہ بھی پڑھیے

باکسنگ لیجنڈ کے صاحبزادے نے ٹوکیو اولمپکس کے لیے کوالیفائی کرلیا

مائیک ٹائسن 15 برس بعد باکسنگ رنگ میں اترنے کو تیار

علی والش پہلا راؤنڈ باآسانی جیتے، دوسرے راؤنڈ میں انہوں نے سینچیز کو سیدھے ہاتھ سے مکا مار کر زخمی کیا جبکہ تیسرے راؤنڈ میں سینچیز نے بہت اچھی فائٹ کی۔

علی والش نے چوتھے راؤنڈ میں ناک آؤٹ کرنے کی کوشش کی لیکن سینچیز نے مزید بہتر فائٹ کرکے ایسا نہ ہونے دیا۔

رواں سال اگست میں علی والش نے جارڈن ویکس کو شکست دی تھی، دو ماہ بعد انہوں نے جیمز ویسٹلے کو بھی ہرایا تھا۔

متعلقہ تحاریر