صدر سپریم کورٹ بار کا قومی اسمبلی کے اجلاس میں تاخیر پرسنگین نتائج کا انتباہ

صدر سپریم کورٹ بار  نے ایک بیان  میں حکومت پر زور دیا  ہے  کہ وہ آئین کے آرٹیکل 95 کے تحت 7 دن کے اندر وزیراعظم کے خلاف تحریک عدم اعتماد کے لیے فوری طور پر قومی اسمبلی کا اجلاس طلب کرے بصورت دیگر یہ ملک میں غیر سیاسی مہم کو تقویت دے گی۔

احسن  بھون نے کہاکہ قانون کی حکمرانی اور آئین کی بالادستی کو یقینی بنانےاور قومی اسمبلی کا اجلاس  بلانے میں کسی بھی غیر ضروری التوا بشمول آئین سے کوئی انحراف، غیر سیاسی فراہم کر سکتا ہے۔ افواج یا غیر ریاستی عناصر کو غیر سیاسی مہم شروع کرنے کا موقع ملے گا جس کی ذمے داری ملک کی حکمران سیاسی اشرافیہ پر عائد ہوگی۔

یہ بھی پڑھیے

فوج کا سیاست سے کچھ لینا دینا نہیں ہے، میجر جنرل بابر افتخار

وزیراعظم ڈرائنگ روم کی سیاست کیساتھ عوامی سیاست کے محاذ پربھی سرگرم

سپریم کورٹ بار کے صدر کامزید کہنا ہے کہ  اپوزیشن  کی تحریک عدم اعتماد آئین کے آرٹیکل 95 کے مطابق ہے اور اس میں کوئی الٹرا وائرس نہیں ہے، انہوں نے مزید کہا کہ سپریم کورٹ بار ملک کی نازک سیاسی صورتحال پر گہری نظر رکھے ہوئے ہے۔

بیان میں مزید کہا گیا ہے کہ آئین کا آرٹیکل 95 (2) واضح طور پر کہتا ہے کہ قومی اسمبلی کا اسپیکر آئینی طور پر اس بات کا پابند ہے کہ وہ اسمبلی کا اجلاس 3 دن کی میعاد ختم ہونے کے بعد بلائے اور تحریک عدم اعتماد کی وصولی کے بعد  اجلاس بلانے میں 7 دن سے زیادہ کی تاخیر نہ ہو۔

اپوزیشن جماعتوں کے ارکان اسمبلی نے وزیر اعظم عمران خان کے خلاف 8 مارچ کو قومی اسمبلی (این اے) سیکرٹریٹ میں تحریک عدم اعتماد جمع کرائی تھی جس کی کامیابی کے لیے کم از کم 172 اراکین اسمبلی کی حمایت درکار ہے۔