دوسرا ون ڈے : پاکستان کی آسٹریلیا کیخلاف ریکارڈ ساز فتح

پاکستان نے کپتان بابر اعظم اور امام الحق کی شاندار سنچریز کی بدولت 349رنز کا ریکارڈ ہدف حاصل کرکے دوسرے ون ڈے میں آسٹرلیا کو6 وکٹوں سے شکست دیدی۔ تین ون ڈے میچز کی سیریز ایک ایک سے برابر ہوگئی۔

آسٹریلیا کا 349 رنز کا پہاڑ ہدف پاکستان نےایک اوور پہلے ہی 4 وکٹوں  کے نقصان پر حاصل کرلیا، کپتان بابر اعظم 114 جبکہ امام الحق 106 رنز بنا کر نمایاں رہے۔

یہ بھی پڑھیے

بابر اعظم ون ڈے میں تیز ترین 4000 رنز بنانے والے پہلے ایشین بن گئے

فیفا ورلڈکپ کوالیفائر : مصر کی سینیگال میں ٹیم پر نسل پرستانہ حملوں کی شکایت

واضح رہے کہ پاکستان نے اپنی ون ڈے کرکٹ کی تاریخ میں یہ سب سے بڑا ہدف حاصل کیا ہے، اس سے قبل 2014 میں قومی ٹیم نے بنگلادیش کے خلاف327 رنز کاہدف حاصل کیا تھا۔

Today we registered our highest successful run chase in ODIs. In style 😉#BoysReadyHain l #PAKvAUS pic.twitter.com/wAvSmb5KeR

— Pakistan Cricket (@TheRealPCB) March 31, 2022

 لاہور کے قذافی اسٹیڈیم میں کھیلے گئے میچ میں پاکستان کی دعوت پر آسٹریلیا نے مقررہ 50 اوورز میں 8 کھلاڑیوں کے نقصان پر 348 رنز بنائے۔ بین مک ڈرموٹ 104 اور ٹریوس ہیڈ 89 رنز کے ساتھ نمایاں رہے۔ پاکستان کی جانب سے شاہین آفریدی نے 4 4کینگروز کا شکار کیا۔

349 رنز کے ہدف کے تعاقب میں پاکستان کا آغاز اچھا رہا ۔اوپنرز فخر زمان اور امام الحق  نے پہلی وکٹ کی شراکت میں 118 رنز بنائے  جس کے بعد  فخر زمان 67 رنز بناکر آؤٹ ہوگئے۔ایک وکٹ گرنے کے بعد کپتان بابر اور امام نے ذمہ دارانہ بلے بازی کرتے ہوئے شاندار سنچریز اسکور کیں۔

Fitting celebration for a @babarazam258 ODI 100.
He is so good to watch today (and everyday) 👏🏼#BoysReadyHain l #PAKvAUS pic.twitter.com/toP8CaSf0U

— Pakistan Cricket (@TheRealPCB) March 31, 2022

  بدقسمتی سے دونوں میچ کاخاتمہ کرنے میں ناکام رہے کپتان بابر اعظم 114 جبکہ امام الحق 106 رنز بنا کر آؤٹ ہوگئے۔

All good things come to an end. The crowd stands and applauds as @babarazam258 walks off. #BoysReadyHain l #PAKvAUS pic.twitter.com/T4IlD9YRDI

— Pakistan Cricket (@TheRealPCB) March 31, 2022

اختتامی اوورز میں خوشدل شاہ اور افتخار احمد نے شاندار بلے بازی کرتے ہوئے پاکستان کیلیے ون ڈے میں اپنے سب سے بڑے ہدف  کا حصول ممکن بنایا۔خوشدل شاہ 17 گیندوں پر 27 جبکہ افتخار 7 گیندوں پر 11 رنز بناکر ناقابل شکست رہے۔

Winning moment 💪🏼
Cherish it. Share it. Keep supporting! #BoysReadyHain l #PAKvAUS pic.twitter.com/NWoQWdbE2p

— Pakistan Cricket (@TheRealPCB) March 31, 2022

بابر اعظم تیز ترین 15سنچریز اور امام الحق تیز ترین 9سنچریز بنانے والے بلے باز بن گئے

آسٹریلیا کے خلاف سنچری اسکور کرنے کے بعد بابراعظم کم سے کم اننگز میں 15 ون ڈے سنچری اسکور کرنے کا ریکارڈ اپنے نام کرلیا۔

Most Hundreds as Captain for Pakistan in ODIs:

𝐁𝐚𝐛𝐚𝐫 𝐀𝐳𝐚𝐦 𝟒
Azhar Ali 3
Inzamam-ul-Haq 2
Shahid Afridi 2 #BoysReadyHain l #PAKvAUS pic.twitter.com/VKf4cS0LgQ

— Pakistan Cricket (@TheRealPCB) March 31, 2022

بابراعظم نے 15سنچریز مکمل کرنے کا ریکارڈ صرف 83 اننگز میں حاصل کیا ہے۔ اس کے علاوہ بابراعظم ون ڈے میں آسٹریلیا کے خلاف سنچری اسکور کرنے والے پہلے پاکستانی کپتان بھی بن گئے ہیں۔

Babar Azam registers the highest score by a Pakistan captain vs Australia in ODIs. #BoysReadyHain l #PAKvAUS pic.twitter.com/PubSY7jpcv

— Pakistan Cricket (@TheRealPCB) March 31, 2022

دوسری جانب اوپنر امام الحق آسٹریلیا کے خلاف دوسرے ایک روزہ میچ میں مسلسل دوسری سنچری اسکور کرکے ون ڈے کرکٹ میں تیز ترین 9 سنچریاں بنانے والے کھلاڑی بن گئے۔