شین واٹسن کو 21ویں سالگرہ پر شعیب اختر نے کیا تحفہ دیا ؟
سابق آسٹریلوی آل راؤنڈر نے 20سال قبل اپنی سالگرہ کے دن شعیب اختر کی 100میل فی گھنٹہ کی رفتار سےکرائی گئی تاریخ کی تیز ترین گیند کا سامنا کیا تھا
کرکٹ آسٹریلیا نےسابق آل راؤنڈر شین واٹسن کو 20 سال قبل ان کی 21 ویں سالگرہ پر روالپنڈی ایکسپریس شعیب اختر کی جانب سے دیا گیا”تحفہ “یاد دلادیا۔
کرکٹ آسٹریلیا نے 20 سال قبل پاک آسٹریلیاون ڈے سیریز کے دوران پیش آئے ایک یادگارواقعے کی وڈیو اپنے انسٹاگرام ہینڈل پر شیئر کی ہے۔
یہ بھی پڑھیے
شاہد آفریدی نے عالمی میگا اسٹارز کرکٹ لیگ لانچ کردی
مینز ہاکی ایشیا کپ 2022 کے شیڈول کا اعلان کردیا گیا
وڈیو میں پاکستانی اسپیڈاسٹار شعیب اختر کو آسٹریلوی آل راؤنڈر شین واٹسن کو 100 میل فی گھنٹہ کی رفتار سے گیند کرتے دیکھا جاسکتا ہے۔ آسٹریلوی بلے باز نے اس گیند کو اپنی 21 ویں سالگرہ کا یادگار لیکن شاندار لمحہ قرار دیا ہے۔
What a way to spend my 21st birthday!! 😳😳😳@shoaib100mph was so good and so bloody fast!! https://t.co/gW0x1qUDdV
— Shane Watson (@ShaneRWatson33) April 27, 2022
شین واٹسن نے کرکٹ کی تاریخ کی تیز ترین گیندکا ویڈیو کلپ اپنے ٹوئٹر ہینڈل پر شیئر کیا جسے کرکٹ آسٹریلیا نے 27 اپریل کو اپ لوڈ کیا تھا۔ انہوں نے لکھا کہ میری 21ویں سالگرہ منانے کا کیا طریقہ تھا، شعیب اختر کی 100 میل فی گھنٹہ کی رفتار سے پھینکی گئی گیند بہت اچھی اور بہت تیز تھی!!۔
یاد رہے کہ شعیب اختر نے 20 سال قبل 27 اپریل کو 100 میل فی گھنٹہ کی رفتار سے تیز ترین گیند کراکے عالمی ریکارڈ قائم کیا تھا۔کرکٹ آسٹریلیا نے اپنے ٹوئٹ میں لکھا کہ20سال پہلے کا وہ دن جب شعیب اختر 100 میل فی گھنٹہ کی حد کو توڑنے والے پہلے باؤلر بنے تھے،آسٹریلوی ساحلوں پر کی گئی ان کی خطرناک ترین گیند کو ہم نے اپنی آرکائیوز سے تلاش کیا ہے۔
I was also just 26. Memorable series, how time flies!!
Hope you’re doing good mate. https://t.co/jeuPeFPAVO— Shoaib Akhtar (@shoaib100mph) April 27, 2022
شعیب اختر نے شین واٹسن کے ٹوئٹ پر تبصرہ کرتے ہوئے لکھا کہ میں میں بھی اس وقت صرف 26 سال کا تھا۔ یادگار سیریز، وقت کیسے اڑتا ہے۔
I was at the non strikers end 😬😬 https://t.co/o60n6O4PCY
— Michael Bevan (@mbevan12) April 27, 2022
سابق آسٹریلوی بلے باز مائیکل بیون نے ماضی کو یاد کرتے ہوئے لکھا جب شعیب اختر نے یہ گیند کرائی تو میں وکٹ کی دوسری جانب موجود تھا۔
Oh man! I still get nightmares 😂
— AB de Villiers (@ABdeVilliers17) April 28, 2022
جنوبی افریقا کے سابق مایہ ناز بلے باز اے بی ڈی ولیئرز نے لکھا کہ او مین! مجھے اب تک وہ ڈراؤنے خواب آتے ہیں۔
