گورنر سندھ کے لیے نامزد نسرین جلیل کا بھارت کو لکھا گیا مبینہ خط وائرل

کراچی: وزیراعظم شہباز شریف کی جانب سے گورنر سندھ کے لیے نامزد کی جانے والی متحدہ قومی موومنٹ پاکستان (ایم کیو ایم پی) کی مرکزی رہنما نسرین جلیل کا ایک مبینہ خط سوشل میڈیا پر وائرل ہوگیا ہے جس میں انہوں نے پاکستان کے اندرونی معاملات میں مداخلت کے لیے بھارت سے مدد مانگی تھی۔

وزیر اعظم شہباز شریف نے ایم کیو ایم (پی) کی رہنما نسرین جلیل کو سندھ کا گورنر بنانے کی سمری گذشتہ روز صدر عارف علوی کو ارسال کی تھی۔

یہ بھی پڑھیے

اکتوبر میں انتخابات ، کیا اسحاق ڈار نواز شریف کا بیانیہ بیان کررہے ہیں؟

حمزہ شہباز سے پی پی وفد کی ملاقات ، پنجاب میں پاور شیئرنگ پر معاملات طے

یہ پیشرفت ایم کیو ایم پاکستان کی رابطہ کمیٹی کی جانب سے سندھ کی گورنرشپ کے لیے وزیر اعظم شہباز شہباز کو پانچ ناموں کی تجویز کے بعد سامنے آئی۔

سابق وفاقی وزیر فواد چوہدری نے وزیراعظم شہباز شریف کے فیصلے پر سخت تنقید کی ہے۔

پاکستان تحریک انصاف (پی ٹی آئی) کے رہنما فواد چوہدری نے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ "کرائم منسٹر نے نسرین جلیل کا نام سندہ کے نئے گورنر کے طور پر تجویز کیا ہے 18 جون 2015 کو محترمہ نے انڈین ہائ کمیشن کو خط لکھا اور پاکستان کے قانون نافذ کرنیوالے اداروں کیخلاف تعاون مانگا، دکھ اس بات کا ہے کہ کراچی میں جو گند سیکیورٹی اداروں نے صاف کیا تھا وہ واپس آرہا ہے۔”

کرائم منسٹر نے نسرین جلیل کا نام سندہ کے نئے گورنر کے طور پر تجویز کیا ہے 18 جون 2015 کو محترمہ نے انڈین ہائ کمیشن کو خط لکھا اور پاکستان کے قانون نافذ کرنیوالے اداروں کیخلاف تعاون مانگا، دکھ اس بات کا ہے کہ کراچی میں جو گند سیکیورٹی اداروں نے صاف کیا تھا وہ واپس آرہا ہے pic.twitter.com/W7HNG17E6o

— Ch Fawad Hussain (@fawadchaudhry) May 8, 2022

نسرین جلیل کو گورنر سندھ نامزد کرنے پر ردعمل دیتے ہوئے انڈیا میں تعینات رہنے والے سابق سفیر ڈاکٹر عبدالباسط نے سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ ” یہ انتہائی پریشان کن بات ہے۔ ہمارے اندرونی معاملات میں بھارت سے مدد مانگنا ایک ایسی چیز تھی جسے کبھی فراموش یا معاف نہیں کیا جا سکتا۔ گورنر کے طور پر ان کی مجوزہ تقرری تمام پاکستانیوں کی توہین ہے۔ صدر مملکت کو اس خط کے ساتھ سمری وزیر اعظم کو واپس بھیجنی چاہیے۔”

This is extremely disturbing. Asking India for help in our internal matters was something which could never be forgotten or forgiven.Her proposed appointment as Governor is an insult to all Pakistanis.President should send the summary back to PM along with this letter. https://t.co/jJt7ECyrI1

— Abdul Basit (@abasitpak1) May 8, 2022

گورنر سندھ کا عہدہ پی ٹی آئی رہنما عمران اسماعیل کے شہباز شریف کے وزارت عظمیٰ کا حلف اٹھانے کے بعد استعفیٰ دینے کے بعد خالی ہوا تھا۔