فاسٹ بولر محمد عباس نے انگلش کاؤنٹی میں کامیابی کے جھنڈے گاڑھ دیے

پاکستان کرکٹ ٹیم کے فاسٹ بولر محمد عباس نے انگلش کاؤنٹی سیزن میں کامیابی کے جھنڈے گاڑھ دیے۔ کاؤنٹی سیزن میں  محمد عباس کی شاندار گیند بازی کا سلسلہ جاری ہے۔

محمد عباس نے ٹوئٹر پر اپنی کارکردگی کے اعداد و شمار جاری کردیے۔مداحوں کے علاوہ ساتھی کھلاڑی بھی محمد عباس کی تعریف پر مجبور ہوگئے۔

یہ بھی پڑھیے

پاکستان کرکٹ بورڈ محمد عباس کا ٹیلنٹ ضائع نہ کرے

ون ڈے رینکنگ میں پاکستان 5ویں نمبر پر پہنچ گیا، نیوزی لینڈ کی ٹاپ پوزیشن برقرار

محمد عباس نے گراس روٹ کاونٹی کرکٹ میں اب تک 43اوورز کرائے ہیں جن میں 13 میڈن اوورز بھی شامل ہیں۔ محمد عباس اب تک 107 رنز کے عوض 2.5 کی اوسط سے 9وکٹیں حاصل کرچکے ہیں۔

Alhamdulilah pic.twitter.com/4JzXKMTorV

— Muhammad Abbas (@RealMAbbas226) May 8, 2022

ٹوئٹر صارفین کی جانب سے محمد عباس کی کارکردگی کو خوب سراہا جارہا ہے جبکہ سابق کپتان اور ٹیسٹ کرکٹر اظہرعلی اور فاسٹ بولر میر حمزہ  نے بھی محمد عباس کی  کاکردگی کو شاندار قرار دیدیا۔