ڈی پی او سیالکوٹ کو شاباشی دینے پر اے آر وائی مریم نواز سے ناراض

14 مئی کو پی ٹی آئی کا سیالکوٹ میں جلسہ شیڈول تھا، جس مقام پر پی ٹی آئی جلسہ کرنا چاہتی تھی وہ مسیحی برادری کا گراؤنڈ تھا اور وہ نہیں چاہتے تھے کہ اس گراؤنڈ کی زمین کو سیاسی مقاصد کے لیے استعمال کیا جائے۔

اسی اثنا میں پی ٹی آئی کے سینئر رہنما عثمان ڈار اور دیگر مقامی رہنما ڈٹ گئے کہ انہوں نے جلسہ یہیں کرنا ہے۔

بعد ازاں ڈی پی او سیالکوٹ گراؤنڈ پہنچے اور انہوں نے نہایت تحمل مزاجی سے بات کرتے ہوئے عثمان ڈار اور ان کے ساتھیوں کو سمجھانے کی کوشش کی کہ یہاں پر جلسے کی اجازت نہیں ہے۔

یوں چا رونا چار پی ٹی آئی نے کسی دوسرے مقام پر جلسہ کیا، مسلم لیگ (ن) کی رہنما مریم نواز نے فرض شناسی پر ڈی پی او سیالکوٹ کو شاباشی دی۔

شاباش حسن ! pic.twitter.com/9AsqubVPv0

— Maryam Nawaz Sharif (@MaryamNSharif) May 14, 2022

اے آر وائی نیوز نے اس خبر کو کچھ یوں نشر کیا کہ مریم نواز نے پی ٹی آئی کا جلسہ روکنے اور کارکنوں کو گرفتار کرنے پر ڈی پی او سیالکوٹ کو شاباشی دی۔

مریم نواز نے اے آر وائی کی یہ خبر شیئر کرتے ہوئے ٹویٹ کی کہ زرد صحافت کرنے پر اے آر وائی کو شرم آنی چاہیے۔

Yellow journalism. Shame on ARY. https://t.co/hcXbPisHrG

— Maryam Nawaz Sharif (@MaryamNSharif) May 14, 2022