پنجاب اسمبلی اجلاس میں شوہر کی غیرحاضری، عظمیٰ بخاری پر غداری کا الزام
سینئر لیگی رہنما عطاء اللہ نے کہا ہے کہ عظمیٰ اور سمیع ہمارے صف اول کے ساتھی ہیں اس لیے قیاس آرائیوں اور الزام تراشیوں سے پرہیز کیا جائے۔
ایک ٹوئٹر صارف کی جانب سے سمیع اللہ خان کو غدار کہنے پر پاکستان مسلم لیگ (ن) کی سینئر رہنما عظمیٰ بخاری اپنے شوہر کے دفاع میں سامنے آگئی ہیں۔
گذشتہ روز پنجاب اسمبلی کے اجلاس کے دوران اسپیکر چوہدری پرویز الہٰی کے خلاف تحریک عدم اعتماد کے موقع پر پینل آف چیئرمین میاں شفیع نے تحریک کے محرک سمیع اللہ خان کا نام بار بار پکارا ، تاہم ان کی عدم موجودگی کی وجہ سے تحریک عدم اعتماد مسترد کر دی گئی۔
سمیع اللہ خان کی اسمبلی میں عدم موجودگی پر صباء چوہدری نامی ٹوئٹر صارف نے لکھا ہے کہ ” غدار ایم پی اے سمیع اللہ خان غائب ہوگئے تھے یہ عظمیٰ بخاری کے شوہر ہیں اور پارٹی کی طرف سے اپنی بیگم کو نظرانداز کرنے پر ناراض تھے۔”
غدار ایم پی اے سمیع اللہ خان غائب ہوگئے تھے
یہ عظمیٰ بخاری @AzmaBokhariPMLN کے شوہر ہیں اور پارٹی کی طرف سے اپنی بیگم کو نظرانداز کرنے پر ناراض تھے pic.twitter.com/neyj66uGiF— Miss_302⏳ (@Kurii_punjabi1) May 22, 2022
ٹوئٹر صارف کو جواب دیتے ہوئے مسلم لیگ ن کی رہنما عظمیٰ بخاری نے لکھا ہے کہ ” بہت افسوس ہے ، یہی سننا باقی رہ گیا تھا ، حکومت میں آنے کے بعد، پارٹی نے جب ہاؤس میں جانے کو کہا ہم گئے، یہ کیوں ہوا میں نے بھی یہ سوال آج پارٹی سے پوچھے، لگتا ہے ساڑھے نو سال ضائع ہی کر دیئے، جو یہ فیصلے کر رہے تھے ان سے پوچھیں، دل ٹوٹ گیا آج ، پرویز الہی کے 4 سال انہی دو غداروں نے بھگتے تھے۔
بہت افسوس ہے ،یہی سننا باقی رہ گیا تھا حکومت میں آنے کے بعد،پارٹی نے جب ہاؤس میں جانے کو کہا ہم گئے،یہ کہیوں ہوا میں نے بھی یہ سوال آج پارٹی سے پوچھے،لگتا ہے ساڑھے نو سال ضائع ہی کر دئے،جو یہ فیصلے کر رہے تھے ان سے پوچھیں،دل ٹوٹ گیا آج،پرویز الہی کے 4 سال انہی دو غداروں نے بھگتے https://t.co/knYnmPexO3
— Azma Zahid Bokhari (@AzmaBokhariPMLN) May 22, 2022
ایک اور ٹویٹ میں تحریک عدم اعتماد کی کاپی شیئر کرتے ہوئے عظمیٰ بخاری نے مزید لکھا ہے کہ "یہ سب بھی محرک تھے،ان سب کو بھی غدار ڈیکلئر کرنا ہے یا یہ تمغہ صرف ہم دونوں کے لئے ہے؟؟؟؟۔”
یہ سب بھی محرک تھے،ان سب کو بھی غدار ڈیکلئر کرنا ہے یا یہ تمغہ صرف ہم دونوں کے لئے ہے🥲🥲🥲 https://t.co/Aj0GUz6IZT pic.twitter.com/1LoTuKsETc
— Azma Zahid Bokhari (@AzmaBokhariPMLN) May 22, 2022
تاہم اس سارے معاملے کو رفع دفع کرانے کے لیے سینئر لیگی رہنما عطا تارڑ نے کہا ہے کہ عظمیٰ بخاری اور سمیع اللہ خان پارٹی کا اثاثہ ہیں ، پارٹی کے لیے ان کی خدمات گراں قدر ہیں ، یہ ہمارے صف اول کے ساتھی ہیں اس لیے قیاس آرائیوں اور الزام تراشیوں سے پرہیز کیا جائے۔ اسمبلی میں جو کچھ ہوا اس کے ذمہ دار صرف اور صرف پرویز الٰہی ہیں جنہوں نے کارروائی کو بل ڈوز کیا۔
