بورس جانسن کےہندو وزیرخزانہ رشی سوناک نئے برطانوی وزیراعظم ہونگے؟

کیا بورس جانسن کے ہندو وزیرخزانہ نئے برطانوی وزیراعظم ہوں گے؟سابق برطانوی وزیرخزانہ رشی سوناک باقاعدہ طور پر  کنزرویٹو پارٹی کی سربراہی اوروزارت عظمیٰ کی دوڑ می ں شامل ہوگئے۔

یاد رہے کہ بورس جانسن کے وزارت عظمیٰ چھوڑنے کے اعلان سے قبل رشی سوناک نے ان  کی کابینہ کو چھوڑنے کا  اعلان کردیا تھا۔

یہ بھی پڑھیے

سابق جاپانی وزیر اعظم شنزو آبے پر قاتلانہ حملے میں ہلاک

رشی سوناک نے اپنے ٹوئٹر ہینڈل پرہیش ٹیگ لیٹس ریڈی فور رشی استعمال کرتے ہوئے ایک وڈیو شیئر کی ہے جس میں انہوں نے اپنا خاندانی پس منظر او ر والدین کا تعارف پیش کیا ہے۔

I’m standing to be the next leader of the Conservative Party and your Prime Minister.

Let’s restore trust, rebuild the economy and reunite the country. #Ready4Rishi

Sign up 👉 https://t.co/KKucZTV7N1 pic.twitter.com/LldqjLRSgF

— Ready For Rishi (@RishiSunak) July 8, 2022

رشی سوناک نے وڈیو کے کیپشن میں لکھا کہ  میں کنزرویٹو پارٹی کا اگلا لیڈر اور آپ کا وزیراعظم بننے کے لیے کھڑا ہوں، آئیے اعتماد بحال ،معیشت کی تعمیر نو اور ملک کو دوبارہ متحد کریں۔

واضح رہے کہ  رشی سوناک  2015 سے برطانوی پارلیمنٹ کے رکن ہیں،انہیں بطور  وزیر خزانہ کرونا  وبا  کے دوران اقتصادی معاملات پر گرفت کی وجہ سے سراہا گیا ،اس  دوران انہوں نے اقتصادی پیکیج بھی متعارف کرایا تھا۔تاہم انہیں عام عوام کے طرز زندگی کے بڑھتے اخراجات کی روک تھام میں ناکافی پر تنقید کا سامنا بھی کرنا پڑا تھا۔

یاد رہے کہ رشی راسخ العقیدہ ہندو ہیں جنہوں نے 2017 میں برطانوی دارالعوام  کی رکنیت کا حلف بھگود گیتا پر اٹھایا تھا۔