سونیری بینک کے سخت اہداف، ملازم نے موت کو گلے لگالیا

سونیری بینک آغاخان اسپتال برانچ  کے ایک ملازم نے انتظامیہ کی طرف سے دئیے گئے سخت اہداف کو پورا کرنے میں ناکامی پر موت کو گلے لگالیا ۔

سونیری بینک کے ملازم نے انتظامیہ کی جانب سے دیئے گئے سخت اہداف پورے نہ ہونے پر مبینہ طور پرملازمت ہاتھ سے جانے سے خوف سے  اپنے دفتر میں خودکشی کرلی۔

یہ بھی پڑھیے

یونائیٹڈ بینک کاصارف سے فراڈ، صدر نے لوٹی رقم واپس کرنے کی ہدایت کردی

سونیری بینک کے ترجمان نے اس افسوسناک واقعے کی تصدیق کی جس میں اس کے ایک ملازم نے 30 جولائی کو اے کے یو برانچ میں خودکشی کرلی تاہم اس نے اس کی موت کی وجہ نہیں بتائی۔

بینک انتظامیہ کی جانب سے ایک فیس بک پوسٹ میں  بتایا گیا کہ ایک بینکر نے شدید مالی بحران کی وجہ سے دوران ڈیوٹی پر سونیری بینک لمیٹڈ کے احاطے میں اپنی جان لے لی۔

فیس بک پوسٹ پر لکھا گیا کہ ہم سوچ بھی نہیں سکتے کہ ریاست کی اس خوفناک معاشی صورتحال میں لوگ کیا گزررہے ہیں۔ ایندھن کی قیمتیں آسمان سے اوپر جارہی ہیں۔ مہنگائی بڑھ رہی ہے۔ بیروزگاری کی شرح حد سے گزرچکی ہے ۔

سونیری بینک لمیٹڈ نے اپنی پوسٹ میں موت کی وجہ بھی نہیں بتائی اورکمنٹس سیکشن کو محدود کر دیا تاکہ لوگ اپنے خیالات کا اظہار نہ کرسکیں تاہم خودکشی تو محض ایک آغاز ہے اگر بینکوں نے اپنے ملازمین کی مالی حالتوں پر توجہ نہ دی تو حالات مزید خراب ہوں گے۔

ذرائع کا کہنا ہے کہ متوفی   کو  بینک انتظامیہ کی جانب سے اہداف دیئے گئے تھے جو کہ وہ مہینے کے آخر میں حاصل کرنے میں ناکام رہے۔ سخت اہداف    حاصل کرنے میں ناکام رہنے کے بعد اس نے بینک احاطے میں خود کشی کرلی ۔

بینک کی جانب سے جاری کردہ ایک بیان میں لکھا گیا، گزشتہ روز ہماری کراچی کی ایک برانچ میں ایک افسوسناک واقعہ پیش آیا، جہاں ہمارے ایک اسٹاف ممبر نے کچھ ذاتی وجوہات کی بنا پر اپنی جان لے لی۔ اس مشکل وقت میں غمزدہ خاندان اور دوستوں کے ساتھ ہماری گہری تعزیت ہے۔

بینک انتظامیہ نے بتایا کہ س معاملے کی تحقیقات میں مقامی حکام اور پولیس کی مکمل مدد کر رہے ہیںاور اس سانحے کا باعث بننے والے تمام متعلقہ حقائق۔ ابتدائی شواہد بتاتے ہیں کہ یہ افسوسناک واقعہ ملازم اور تیسرے فریق کے درمیان ذاتی جائیداد سے متعلق تنازعہ سے متعلق ہےتاہم، بینک کوئی قیاس کرنے سے گریز کرے گا اور تحقیقات کو اپنا راستہ اختیار کرنے دے گا۔

چونکہ تحقیقات جاری ہیں، سونیری بینک کی انتظامیہ ہر ایک سے درخواست کرنا چاہے گی کہ وہ کسی بھی فیصلے سے پرہیز کریں، معاملے کی حساسیت کا احترام کریں اور سب سے اہم بات یہ ہے کہ اس سے متوفی کے خاندان پر کیا اثرات مرتب ہوں گے۔سونیری بینک نے اس آزمائش کی گھڑی میں متوفی کے اہل خانہ کو مدد فراہم کرنے کے لیے ایک خصوصی رابطہ قائم کیا ہے۔