جبران ناصر نے تحریک انصاف کے مقتول رہنما کیلئے آواز بلند کردی

سماجی کارکن ایڈوکیٹ جبران ناصر کا کہنا ہے کہ تحریک انصاف راولپنڈی کے مقامی رہنما ماجد ستی کے مبینہ قاتل فرخ امتیاز کھوکھر مقتول کے اہلخانہ کو ڈرا دھمکا کر مقدمے سے دستبردار ہونے پر مجبور کررہے ہیں۔

جبران ناصر نے مائیکرو بلاگنگ سائٹ ٹوئٹر پر ایک وڈیو شیئر کی جس کےعنوان میں لکھا ہے کہ تحریک انصاف کے کارکن ماجد ستی کو اگست 2022 مبینہ طور پر فرخ امتیاز کھوکھر نامی شخص کی ہدایت پر گولی مار قتل کردیا گیا تھا ۔

یہ بھی پڑھیے

جبران ناصر نے وکلا کی ہڑتالوں کو بنیادی حقوق کی خلاف ورزی قرار دیدیا

جبران ناصر نے بتایا کہ تحریک انصاف کے مقتول کارکن ماجد ستی کے مبینہ قاتل فرخ امتیاز کھوکھر کو28 نومبر کوعدالت سے ضمانت  قبل از گرفتاری ملی۔ ضمانت کے بعد سے ماجد ستی کے اہلخانہ کو مسلسل  ڈرایا اور دھمکایا جارہا ہے ۔

This loving father & PTI worker Majid Satti was gunned down in August 2022 allegedly on directions of one Farrukh Imtiaz Khokar. On Nov 28 Farrukh got pre arrest bail & since then Majid's family has complained about threats from Farrukh to withdraw from case #ماجد_ستی_کو_انصاف_دو pic.twitter.com/DZz8zh26D0

— M. Jibran Nasir 🇵🇸 (@MJibranNasir) December 9, 2022

ایڈوکیٹ جبران ناصر کا کہنا ہے کہ مقتول ماجد ستی کے اہلخانہ کے مطابق فرخ امیتاز کھوکھر کو ضمانت قبل از گرفتاری ملنے کے بعد ہمیں مسلسل دھمکیاں دی جارہی ہیں۔ ڈرا دھمکا کر مقدمہ واپس لینے پر مجبور کیا جارہا ہے ۔

ایڈوکیٹ جبران ناصر نے ٹوئٹر پر مزید ایک ٹک ٹاک وڈیو شیئر کرتے ہوئے بتایا کہ یہ مقتول ماجد ستی کا مبینہ قاتل فرخ امتیاز کھوکھر ہے جوکہ ضمانتی احکامات ملنے کی خوشی منارہا ہے اور اپنی وڈیو سوشل میڈیا پر شیئر کررہا ہے ۔

This is Farrukh Imtiaz Khokar sharing celebrations of his Bail order on TikTok. Clearly he appears unfazed by the nature of allegations against him rather appears to be enjoying facing a murder trial. #ماجد_ستی_کو_انصاف_دو pic.twitter.com/PQrmq8ETrw

— M. Jibran Nasir 🇵🇸 (@MJibranNasir) December 9, 2022

جبران ناصر نے فرخ امتیاز کھوکھر کے وڈیو کے عنوان میں لکھا کہ یہ شخص واضح طورپر اپنے خلاف الزامات کی نوعیت سے بے نیاز دکھائی دیتا ہے بلکہ قتل کے مقدمے کا سامنا کرنے سے لطف اندوز ہوتا دکھائی دیتا ہے۔

واضح رہے کہ 23 اگست 2022 کو راولپنڈی میں سکستھ روڈ پر نامعلوم افراد نے فائرنگ کرکے تحریک انصاف کے مقامی رہنما ماجد ستی کو قتل کردیا ۔ قتل کا الزام فرخ امتیاز ستی پر عائد کیا گیا تھا ۔