آسٹریلوی کرکٹ ٹیم کا 24 سال بعد دورہ پاکستان کا اعلان
ٹیم آسٹریلیا دورے کے دوران 3 ٹیسٹ میچز ، 3 ون ڈے انٹرنیشنل اور ایک ٹی ٹوئنٹی میچ کھیلے گی۔
آئی سی سی ٹی ٹوئنٹی ورلڈ کپ 2021 کے سیمی فائنل میں 11 نومبر کو مدمقابل آنے والے آسٹریلیا کی کرکٹ ٹیم نے 24 سال بعد دورہ پاکستان کا اعلان کردیا ہے۔
آسٹریلوی کرکٹ بورڈ کی جانب سے جاری ہونے والے اعلامیے کے مطابق ٹیم آسٹریلیا اگلے سال پاکستان کا دورہ کرے گی جس کا شیڈول بھی جاری کردیا گیا ہے۔
یہ بھی پڑھیے
نیوزی لینڈ کے ہاتھوں افغانستان کی شکست ، سوشل میڈیا پر میمز کا طوفان
پاکستان نے اسکاٹ لینڈ کو بڑے مارجن سے ہرا دیا
آسٹریلوی بورڈ کے مطابق ٹیم آسٹریلیا اپنے دورہ کے دوران 3 ٹیسٹ میچز، 3 ون ڈے انٹرنیشنل اور ایک ٹی ٹوئنٹی میچ کھیلے گی۔ بورڈ کے مطابق ٹیم آئندہ سال مارچ اپریل میں پاکستان کو دورہ کرے گی۔
آسٹریلوی کرکٹ بورڈ کے چیف ایگزیکٹو نک ہوکلے کا کہنا ہے کہ پاکستانی عوام کرکٹ سے محبت کرتی ہے۔ پاکستان کرکٹ ٹیم نے آئی سی سی ٹی ٹوئنٹی ورلڈ کپ میں پاکستانی ٹیم نے بہترین کھیل پیش کیا ہے۔ ٹیم پاکستان بہترین کھلاڑیوں پر مشتمل ہے۔
"Cricket Australia is excited about the prospect of touring Pakistan next year for what will be a highly anticipated series in a country so incredibly passionate about the game and their national team.”
Nick Hockley, Cricket Australia CEO 🇦🇺 pic.twitter.com/afmx9LUzEl
— Cricket Australia (@CricketAus) November 8, 2021
شیڈول کے مطابق مہمان ٹیم اپنا پہلا ٹیسٹ پاکستان کے خلاف نیشنل اسٹیڈیم کراچی میں کھیلے گی میچ کا آغاز 3 مارچ سے ہو گا۔ دوسرا میچ راولپنڈی میں 12 مارچ سے 16 مارچ تک کھیلا جائے گا جبکہ تیسرا میچ میں دونوں ٹیمیں 21 مارچ سے 25 تک مد مقابل آئیں گی۔
— Pakistan Cricket (@TheRealPCB) November 8, 2021
چیئرمین پی سی بی رمیز راجہ نے مسرت کا اظہار کرتے ہوئے کہا ہے کہ ہم آسٹریلیا کی ٹیم کو خوش آمدید کہتے ہیں ہمیں خوشی ہے کہ دورہ پاکستان کے دوران ٹیم تین ٹیسٹ میچز کھیلے گی۔
چیئرمین پی سی بی کا مزید کہنا ہے کہ آسٹریلیا کی ٹیم ایک مضبوط ٹیم ہے 24 سال بعد ان کا دورہ پاکستان ہماری کرکٹ کی بہتری کے لیے نادر موقع ہوگا۔ یہ میچز پاکستان کے تاریخی گراؤنڈز میں ہوں گے۔
