پچھلے سال 7 کروڑ شہریوں کو کورونا ویکسین لگائی گئی، وزیراعظم

وفاقی حکومت نے 250 ارب روپے کی ویکسین خرید کر تمام صوبوں کو مفت فراہم کی، 2022 میں اب تک 30 سے زائد افراد کورونا سے وفات پاگئے۔

وزیراعظم عمران خان نے ٹویٹ کرتے ہوئے بتایا کہ ملک میں 2021 تک 7 کروڑ شہریوں کو کورونا ویکسین لگائی جا چکی ہے، وفاقی حکومت نے یہ ہدف حاصل کرنے کے لیے 250 ارب روپے کی ویکسین خریدی اور تمام صوبوں میں مفت فراہم کیا۔

وزیراعظم نے مزید بتایا کہ ویکسی نیشن کرنے کے لیے بہت مربوط لائحہ عمل اختیار کرنے پر این سی او سی، وفاقی اور صوبائی انتظامیہ اور محکمہ صحت کی ٹیمز کا شکریہ ادا کرتا ہوں۔

یہ بھی پڑھیے

کورونا کی چوتھی لہر  کا امکان بہت زیادہ، چوتھے بوسٹر شاٹ کی ضرورت بڑھ گئی

صدر مملکت ڈاکٹر عارف علوی ایک بار پھر کورونا وائرس کا شکار

واضح رہے کہ پاکستان میں سال 2022 میں پچھلے چھ روز کے دوران کورونا کیسز کی تعداد 5208 رہی جبکہ 29 افراد کورونا وائرس کی وجہ سے جان کی بازی ہار گئے۔

ملک بھر میں کورونا سے متاثرہ افراد کی تعداد 15 ہزار 192 ہے، این سی او سی کے مطابق پچھلے 24 گھنٹوں کے دوران 7 لاکھ 6 ہزار 192 افراد نے کورونا ویکسی نیشن کروائی ہے۔

Facebook Comments Box