شاہین آفریدی کاشاہد آفریدی کیساتھ افطارڈنر
'افطار کے اوقات میں خصوصی دعائیں کرنی چاہئیں کیونکہ یہ قبولیت کا وقت ہوتا ہے
دنیائے کرکٹ کے معروف بلے باز بوم بوم آفریدی نے اپنے ہونےوالے داماد اور فاسٹ باؤلر شاہین شاہ آفریدی کو اپنے گھر افطار ڈنر پر مدعو کیا، افطار ڈنر کی تصویر سوشل میڈیا پر وائرل ہوگئیں ۔
بوم بوم آفریدی نے گذشتہ روز سماجی رابطوں کی ویب سائٹ ٹوئٹر پر اپنے ہونےوالے داماد اور پاکستان کرکٹ کے فاسٹ باؤلر شاہین شاہ آفریدی کے ساتھ ایک تصویر شیئر کی ہے جس میں وہ شاہین آفریدی کے ساتھ دسترخوان پر بیٹھے ہیں اور افطار سے قبل دُعا مانگ رہے ہیں۔
یہ بھی پڑھیے
شاہین آفریدی کی درخواست پر لاہور قلندرز کا زمان خان کو گھر دینے کا اعلان
قلندرز اور زلمی کا میچ ، شاہین شاہ آفریدی دوسرے بوم بوم بن گئے
As iftar approaches we should utilise this time to make sincere dua, since it’s a time of acceptance. With a clean heart and the sincerest of duas I pray for peace and prosperity of my beloved Pakistan and all of its people, Ameen #PakistanZindabad #Ramadan pic.twitter.com/cMfnuZpMl6
— Shahid Afridi (@SAfridiOfficial) April 13, 2022
تصویرکے ساتھ شاہد آفریدی نے کیپشن میں لکھا ہے کہ ‘افطار کے اوقات میں خصوصی دعائیں کرنی چاہئیں کیونکہ یہ قبولیت کا وقت ہوتا ہے’۔ انہوں نے لکھا کہ ‘میں صاف دل سے پاکستان میں امن اور ملک و قوم کی خوشحالی کے لیے دعا کرتا ہوں’۔ دوسری جانب شاہین آفریدی نے افطاری پر مدعو کرنے پر شاہد آفریدی کا شکریہ بھی ادا کیا اور کہا کہ ‘ملک کے لیے آپ کی نیک خواہشات و دعائیں اللہ تعالی قبول کرے ‘۔
واضح رہے کہ شاہد آفریدی کی جانب سے شاہین شاہ آفریدی کے ساتھ بیٹی اقصیٰ کا رشتہ طے ہونے کی تصدیق کی جاچکی ہے ۔ شاہد آفریدی نے کہا تھا کہ الحمداللہ بیٹی اور شاہین شاہ آفریدی کا رشتہ طے پاگیا ہے اور انشاء اللہ شاہین آفریدی جلد ان کے داماد بنیں گے ۔
