مفتاح اسماعیل پی ٹی آئی کے روشن ڈیجیٹل پروگرام کے معترف
روشن ڈیجیٹل اکاؤنٹ ایک ایسا منصوبہ ہے جو تارکین وطن کو پرکشش شرائط پر اپنے وطن میں سرمایہ کاری کی سہولت فراہم کرتا ہے
پاکستان مسلم لیگ نون کے رہنما مفتاح اسماعیل بھی تحریک انصاف حکومت کے اوورسیز پاکستانیوں کے لئے متعارف کروائے گئے روشن ڈیجیٹل اکاؤنٹس پروگرام کے معترف ہوگئے۔
اسٹیٹ بینک کے جاری کردہ ویڈیو پیغام میں کہا گیا ہے کہ اپنے وطن کی ترقی کیلئے بیرون ملک مقیم پاکستانیوں کی جذبہ حب الوطنی کا شکریہ اسٹیٹ بینک کی جانب سے اس بیان کو ری ٹویٹ کرتے ہوئے ن لیگ کے سابق وزیر خزانہ مفتاح اسماعیل نے اپنے ٹویٹر بیان میں کہا کہ روشن ڈیجیٹل اکاؤنٹ ایک ایسا منصوبہ ہے جو تارکین وطن کو پرکشش شرائط پر اپنے وطن میں سرمایہ کاری کی سہولت فراہم کرتا ہے۔
یہ بھی پڑھیے
روشن ڈیجیٹل اکاؤنٹ سے بھاری رقم نکلوائی گئی؟ اسٹیٹ بینک نے تردید کردی
کے سی سی آئی کا گورنر اسٹیٹ بینک پر شرح سود میں اضافہ واپس لینے پر زور
SBP’s Roshan Digital Account is an initiative to that allows Pakistan’s diaspora to invest in their homeland on very attractive terms. Lots of great products are on offer & SBP has exciting plans to expand these further. Our government is fully committed to supporting RDA. https://t.co/uWirs0Q5F0
— Miftah Ismail (@MiftahIsmail) April 15, 2022
انہوں نے کہا کہ اس پروگرام میں بہت سی بہترین سہولیات فراہم کی جارہی ہیں جبکہ اسٹیٹ بینک ان میں مزید توسیع کا منصوبہ بھی بنارہی ہے، ہماری حکومت روشن ڈیجیٹل اکاؤنٹس کو مکمل طور پر سپورٹ کرنے کا عزم رکھتی ہے۔
اسٹیٹ بینک کے جاری کردہ ویڈیو پیغام میں کہا گیا ہے کہ اپنے وطن کی ترقی کیلئے بیرون ملک مقیم پاکستانیوں کی جذبہ حب الوطنی کا شکریہ، جنہوں نے تھوڑے عرصے میں اسٹیٹ بینک کی خصوصی پیشکش روشن ڈیجیٹل اکاؤنٹ کو شاندار کامیابی سے ہمکنار کروایا۔
واضح رہے کہ روشن ڈیجیٹل اکاؤنٹس سابق وزیراعظم عمران خان کے خصوصی منصوبوں میں سے ایک ہے جس کی کامیابی بیرون ملک مقیم پاکستانیوں کے ان پر اعتماد کا کھلا ثبوت ہے، تاہم عمران خان کی حکومت کے جانےکے بعد خبریں گردش کررہی ہیں کہ اوورسیز پاکستانیوں نے روشن ڈیجیٹل اکاؤنٹس کے ذریعے پاکستان میں سرمایہ کاری سے انکار کردیا ہے۔
