شوکت ترین اور میجر جنرل (ر) اعجاز اعوان سفیر اسد مجید کے حق میں بول پڑے

سابق وفاقی  وزیرخزانہ سینیٹر شوکت ترین  اور دفاعی تجزیہ کار میجر جنرل (ر) اعجاز اعوان امریکا میں پاکستان کے سابق سفیر اسد مجید کے حق میں بول پڑے۔

 دونوں شخصیات نے اسد مجید کی جانب سے اپنے موقف پر ڈٹ جانے کی تعریف کرتے ہوئے انہیں  پیشہ ور سفارتکار قرار دیدیا۔

یہ بھی پڑھیے

سیکیورٹی اداروں کی تحقیقات، غیرملکی سازش کا ثبوت نہیں ملا

امریکی مراسلہ: قومی سلامتی کمیٹی کا دوسرا اجلاس، کیا معاملہ اب سپریم کورٹ میں حل ہوگا؟

سابق وزیرخزانہ سینیٹر شوکت ترین نے اپنے ٹوئٹ میں لکھا کہ میں نے اسد مجید کے ساتھ کام کیا ہے اور انہیں انتہائی پیشہ ور اور تجربہ کار سفارت کار پایا ہے۔ براوو سفیر

I dealt with Amb Asad Majeed and found him highly professional and seasoned diplomat. Bravo Ambassador!!

— Shaukat Tarin (@shaukat_tarin) April 22, 2022

دفاعی تجزیہ کار میجر جنرل (ر) اعجاز اعوان نے اس حوالے سے اپنے ٹوئٹ میں لکھا کہ  اسد مجید دباؤ کے باوجود اپنی کیبل کے متن  کے ساتھ ڈٹے رہے، قوم ایک پیشہ ور بیوروکریٹ سے یہی توقع رکھتی ہے۔ جناح نے انہیں ریڑھ کی ہڈی کہا تھا۔ شاباش سفیر اسد مجید۔

Assad Majeed stood firm with the content of his Cable despite pressure,That’s all this nation expects from a professional bureaucrat. Jinnah called them backbone. Well done Ambassador Assad Majeed 👏👏

— Ijaz Awan (@ijazawan56) April 22, 2022

یاد رہے گزشتہ روز یہ خبر سامنے آئی تھی کہ قومی سلامتی کمیٹی کے اجلاس میں  امریکا میں سابق سفیر اسد مجید پر دباؤ ڈالا گیا تھا کہ وہ مراسلے کی حقیقت سے انکار کردیں تاہم انہوں نے ایسا کرنے سے انکار کردیا تھا اور مراسلے کو حقیقت قرار دیا تھا تاہم وفاقی وزیراطلاعات مریم اورنگزیب نے اس خبروں من گھڑت اور گمراہ کن قرار دے کر مسترد کردیا تھا۔