اب شناختی کارڈ اسمارٹ فون سے ہی بن جائے گا
نادرا نے اپنی پاک آئیڈینٹٹی ایپ لانچ کردی ہے۔
نیشنل ڈیٹا بیس اینڈ رجسٹریشن اتھارٹی (نادرا) کی ایپ تیار کرلی گئی۔ نادرا کی موبائل ایپ کے ذریعے پاکستان دنیا میں آئی ڈی ٹیکنالوجی متعارف کرانے والا پہلا ملک بن گیا ہے۔ وزیر اعظم عمران خان نے پاک آئیڈینٹٹی ایپ کو نادرا کا انقلابی قدم قرار دے دیا۔
اب شہریوں کو شناختی کارڈ بنوانے کے لیے لمبی لائنوں میں لگنے کی کوئی ضرورت نہیں ہے۔ شہری بذریعہ اسمارٹ فون گھر بیٹھے ہی اپنا شناختی کارڈ بنوا سکتے ہیں۔
پاک آئیڈینٹٹی ایپ کے تحت صارفین اپنے اسمارٹ فون کے کیمرے کی مدد سے اپنے فنگر پرنٹ لے سکتے ہیں۔ انگلیوں کے نشان کے حصول کی سہولت کی وجہ سے شہریوں کے لیے آن لائن شناختی کارڈ بنوانا نہایت آسان ہوجائے گا۔ صرف یہی نہیں ایپ میں آپ اپنی تصویر اور دیگر دستاویزات بھی اسکین کرکے اَپ لوڈ کرسکتے ہیں۔
وزیر اعظم عمران خان نے اپنے ٹوئٹر پیغام میں نادرا کی پاک آئیڈینٹٹی ایپ کو ایک انقلابی قدم قرار دیا ہے۔
نادرا کیجانب سے PAK-ID موبائل ایپ کا افتتاح کیا۔سمندرپارپاکستانیوں کی سہولت کیلئےبطورِخاص یہ ایک انقلابی قدم ہے۔https://t.co/utri3ua8J4 کےدرخواست گزاراب موبائل فونز کےذریعےانگلیوں کے نشانات،تصاویراور دستاویزحاصل کرسکتے ہیں۔طارق ملک+نادراٹیم کایہ بڑاقدم ہے pic.twitter.com/kEZN9ODuaH
— Imran Khan (@ImranKhanPTI) August 31, 2021
یہ بھی پڑھیے
پیٹرول اور ڈیزل کی قیمتیں کم مگر میڈیا خاموش
نادرا کے ٹوئٹر ہینڈل سے کیے جانے والے ٹوئٹ میں کہا گیا ہے کہ اس ایپ کے ذریعے پاکستان دنیا میں آئی ڈی ٹیکنالوجی متعارف کرانے والا پہلا ملک بن گیا ہے۔ ٹوئٹر پر پوسٹ کی گئی ویڈیو میں صارفین کو ایپ کا درست استعمال بھی سمجھا دیا گیا ہے۔
دنیامیں پہلی بارسمارٹ فون کیمرے سےاپنے بائیومیٹرک اورتصویر لےکراب تمام پاکستانی شناختی کارڈ بنا سکتے ہیں۔نادرا کی موبائل ایپ کے ذریعے پاکستان دنیا میں آئی ڈی ٹیکنالاجی متعارف کرانے والا پہلا ملک بن گیا۔اس ڈجیٹل ٹیکنالاجی سےمعیشت کےلاتعدادشعبوں میں انقلابی پیشرفت ہوگا@ReplyTariq pic.twitter.com/EU6kNeR1ue
— NADRA (@NadraMedia) August 31, 2021
امید کی جارہی ہے کہ اس ڈیجیٹل ٹیکنالوجی سے معیشت کے لاتعداد شعبوں میں انقلابی پیشرفت ہوگی۔
