میچ کے دوران اسٹیڈیم کیوں خالی رہا؟ وسیم اکرم اداس ہوگئے
سابق فاسٹ بالر نے ٹوئٹر پر لکھا کہ پاکستان اور ویسٹ انڈیز کے درمیان کرکٹ میچ کے دوران اسٹیڈیم خالی رہا، دیکھ کر دکھ ہوا۔
سابق فاسٹ بالر اور سوئنگ کے سلطان وسیم اکرم نے ٹوئٹر پر افسوس کا اظہار کرتے ہوئے کہا کہ کراچی میں پاکستان اور ویسٹ انڈیز کے درمیان کرکٹ میچ میں خالی اسٹیڈیم دیکھ کر مجھے شدید دکھ ہوا۔
انہوں نے لکھا کہ پچھلے مہینے پاکستان کرکٹ ٹیم کی کارکردگی کے باوجود بھی کوئی میچ دیکھنے نہیں آیا، مجھے وجہ معلوم ہے لیکن میں آپ سے سننا چاہتا ہوں۔ مجھے بتائیے لوگ کہاں ہیں اور کیوں؟
1. Because they have families to feed and its on week days.
2. Asia’s best squash players are coming to Pakistan to compete as well but no audience there. Any sign of sadness for that? https://t.co/ZUkDce1Z1d— Noorena Shams (@noorenashams) December 14, 2021
وسیم اکرم کی اس ٹویٹ پر اسکواش پلیئر نورینہ شمس نے لکھا کہ کیونکہ لوگوں کو اپنے گھر کے لیے روزی کمانا تھی اور میچز کام کے دنوں میں کھیلے گئے۔
یہ بھی پڑھیے
پاکستان نے ویسٹ انڈیز کو تیسرا ٹی 20 ہرا کر وائٹ واش کردیا
مرینا اقبال ویمنز ورلڈکپ کوالیفائر میں کمنٹری کریں گی
نورینہ نے مزید کہا کہ ایشیا کے بہترین اسکواش پلیئرز پاکستان آرہے ہیں لیکن کوئی دیکھنے والا نہیں ہے، کیا اس پر بھی آپ اداس ہوں گے؟
نورینہ شمس کی ٹویٹ پر وسیم اکرم کی اہلیہ شنیرا اکرم نے لکھا کہ کراچی کی آبادی 2 کروڑ 70 لاکھ ہے، مجھے یقین ہے کہ ہم 10 سے 20 ہزار کرکٹ کے جنونی مداحوں کو ڈھونڈ سکتے ہیں جو کہ بین الاقوامی کرکٹ میچ دیکھنے کے لیے وقت نکال سکیں۔
