ایس اینڈ پی گلوبل پلیٹس انرجی ایوارڈ "کے-الیکٹرک” کے نام

کے الیکٹرک (کے ای) نے "روشن باجی وومن ایمبیسیڈر پروگرام” کے لیے ایس اینڈ پی گلوبل پلیٹس انرجی ایوارڈ جیت لیا۔ چیئرمین نیپرا توصیف ایچ فاروقی نے اس کامیابی پر کے ای کو مبارکباد دی ہے۔

ایس اینڈ پی گلوبل پلیٹس انرجی ایوارڈ نے کے الیکٹرک کو کارپوریٹ سیکٹر میں (سی ایس آر) کیٹگری کے لیے "روشن باجی وومن ایمبیسیڈر پروگرام” کے لیے منتخب کیا ہے۔

یہ بھی پڑھیے

عالمی بینک نے پاکستان کے لئے 10 کروڑ 95 لاکھ ڈالر قرض کی منظوری دے دی

یہ ایوارڈ کسی بھی پاکستانی کمپنی کے لیے پہلا بین الاقوامی اعزاز ہے جو 1999 سے ہر سال ہو رہا ہے۔ یہ نہ صرف کے الیکٹرک کے لیے بلکہ پورے پاکستان کے پاور سیکٹر کے لیے ایک تاریخی فتح ہے۔

K-Electric’s ‘Roshni Baji Women Ambassador Program’ has earned laurels worldwide. #KE has done Pakistan proud by becoming the first Pakistani company to bag the S&P Global Platts Energy Award, known as the ‘#Oscars‘ of the Energy sector#KE #NewsPMC pic.twitter.com/n3iGdNKPel

— News PMC (@newspmc_pk) December 17, 2021

کے الیکٹرک کے سی ای او سد مونس عبداللہ علوی نے کہا ہے کہ ہم نے اس اعزاز کو حاصل کرنے اور پاکستان کو عالمی نقشے پر لانے کے لیے ایک بڑی کامیابی کے طور پر دیکھتے ہیں۔

"روشن باجی وومن ایمبیسیڈر پروگرام” ایوارڈ کے لیے فائنلسٹ کے طور پر 29 ممالک کی 190 سے زائد کمپنیوں کو شارٹ لسٹ کیا گیا، جبکہ 11 ممالک کی صرف 20 کمپنیوں کو 22 مختلف کیٹیگریز کے تحت ایوارڈ دیے گئے۔

کے الیکٹرک (کے ای) نے اس سال 3 کیٹیگریز میں فائنلسٹ کے طور پر جگہ بنائی جس میں ‘چیف ٹریل بلیزر آف دی ایئر’، ‘کارپوریٹ سوشل ریسپانسیبلٹی ایوارڈ – ڈائیورسیفائیڈ’، اور ‘انجینئرنگ سلوشن آف دی ایئر’ شامل ہیں۔

کے الیکٹرک کے حکام کا کہنا ہے "ایس اینڈ پی گلوبل پلیٹس انرجی ایوارڈ ” معاشرے کی ایک لاکھ خواتین کو بااختیار بنانے اور معاشرے کی بہتری کے لیے کیے گئے اقدامات کے اعتراف میں دیا گیا ہے۔

کے الیکٹرک کے حکام کا مزید کہنا ہے کہ "روشنی باجی وومن ایمبیسیڈر پروگرام” شروع کرنے کا مقصد کمزور خواتین کو خود کفیل بنانا ہے۔ خواتین کو مختلف رہائشی علاقوں میں سفیر کے طور پر بھیجا گیا۔ ان خواتین نے کے الیکٹرک کے صارفین کو اپنی حفاظت ، بجلی چوری کے خطرات اور توانائی کی بچت کے حوالے سے آگاہی دی۔

چیئرمین نیپرا توصیف ایچ فاروقی نے کے الیکٹرک کو مبارکباد دیتے ہوئے کہا ہے کہ یہ ایوارڈ دیگر پاور کمپنیوں کے لیے ایک مثال کی حیثیت رکھتا ہے۔