شہزاد رائے ذہنی سکون کیلئے ہوا میں معلق ہوگئے، ویڈیو وائرل
ویڈیو میں گلوکار میڈی ٹیشن میں مصروف ہیں اور اپنے مداحوں کو بتارہے ہیں کہ وہ کس طرح ذہنی سکون حاصل کرتے ہیں
پاکستان کےمعروف گلو کار اور سماجی کارکن شہزاد رائے تعلیم اور تحفظ اطفال سمیت سماج کے مختلف شعبوں میں نمایاں خدمات انجام دے رہے ہیں ، اپنے زندگی کو تعلیم اور پاکستان کے مستقبل کیلئے وقف کرنے والے شہزاد رائے اپنی مصروف ترین زندگی میں تفریح بھی کرتے ہیں۔
گذشتہ روز معروف گلوکار نے سماجی رابطوں کی ویڈیوز اینڈ فوٹوز شیئرنگ ایپ انسٹا گرام پر ذہنی سکون کے حصول کے طریقے (meditation) کے حوالے سے ایک ویڈیو پوسٹ شیئر کی ۔ اس ویڈیو میں دیکھا جاسکتا ہے کہ گلوکار میڈی ٹیشن میں مصروف ہیں اور اپنے مداحوں کو بتارہے ہیں کہ وہ کس طرح ذہنی سکون حاصل کرتے ہیں۔
یہ بھی پڑھیے
شہزاد رائے آبادی اور خاندانی منصوبہ بندی کے لیے اعزازی سفیر مقرر
کورونا فرنٹ لائن ورکز کو خراج تحسین: شہزاد رائے نے نیاگانا پیش کردیا
View this post on Instagram
اس ویڈیو میں شہزاد رائے کو ہوا میں بیٹھے ہوئے دیکھا جاسکتا ہے جسے دیکھ کر سوشل صارفین پہلے تو حیران رہ گئے لیکن چند ہی لمحات میں اس حیرانگی کا خاتمہ اس وقت ہوگیا جب جب ایک بچہ ان کے پاس آتا ہے کیونکہ گلوکار نے یہ ویڈیو کیمرا ٹرک استعمال کر کے بنائی ہے۔ اس ویڈیو کے لئے انھوں نے زمین کو دیوار کی طرح پیش کیا ہے جبکہ کرسیاں کو زمین پر لیٹایا گیا ہے اور پھر وہ یہ خود بھی اس طرح لیٹے ہوئے ہیں کہ لگتا ہے وہ بیٹھے ہوئے ہیں۔
واضح رہے کہ آج کل مشہور ایپ ٹک ٹاک پر معروف شخصیات اس کیمراٹرک کو استعمال کرکے دلچسپ ویڈیوز بنا رہے ہیں تاہم شہزاد رائے نے اس کیمرا ٹرک کو استعمال کرکے مزاحیہ انداز اختیار کیا جس کو صارفین نے بے حد پسند کیا۔
