مادھوری کی ویب سیریز نے دھوم مچادی ، 19 ممالک کے ٹاپ ٹرینڈز میں شامل
مادھوری ڈکشٹ اور سنجے کپور تقریباً 25 سالوں کے بعد ایک ساتھ سکرین پر نظر آرہے ہیں
بھارتی اداکارہ مادھوری ڈکشٹ کی 25 فروری کو ریلیز ہونے والی ویب سیریز ’دا فیم گیم‘ نے انٹر نیٹ پر دھوم مچادی ، 19 ممالک میں ٹرینڈنگ کرنے لگی۔
معروف بھارتی اداکارہ مادھوری ڈکشٹ اور اداکار سنجے کپور کی ویب سیریز ’دا فیم گیم‘ کا پہلا سیزن ویڈیو سٹریمنگ ویب سائٹ نیٹ فلکس پر 25 فروری کو ریلیز ہوا جس کے کے بعد اس نے انٹر نیٹ پر دھوم مچادی ہے۔
یہ بھی پڑھیے
اداکارہ مادھوری ڈکشٹ کی پہلی نیٹ فلکس ویب سیریز کی ریلیز کا اعلان
مادھوری ڈکشٹ اور جوہی چاولہ نے بالی ووڈ میں شادی کیوں نہیں کی؟
Trending in more than 19 countries for a week!! #TheFameGame has got people hooked all over the globe and we love this binging trend! Watch it now, only on #Netflix!@NetflixIndia @apoorvamehta18 @NewYorkSri @MadhuriDixit @somenmishra0 @nambiarbejoy @KohliKarishma pic.twitter.com/j1regokI6a
— Karan Johar (@karanjohar) March 4, 2022
View this post on Instagram
فلم کی کامیابی کے حوالے سے سماجی رابطوں کی ویب سائٹ ٹوئٹرپر اپنے پیغام میں دھرما پروڈکشنز کے مالک اور بالی وڈ کے کامیاب ترین ہدایت کار، اداکار، اسکرین پلے رائیٹر اور ٹی وی میزبان کرن جوہر نے کہا ہے کہ نیٹ فلکس پر ویب سیریز ’دا فیم گیم‘ نے دھوم مچادی ہے اور محض ایک ہفتے کے دوران دنیا کے 19 ممالک کے ٹاپ ٹرینڈز میں شامل ہے جو بہت خوش آئند ہے ۔
فلم کی کہانی بھارت کی ایک ایسی معروف اداکارہ (مادھوری ڈکشٹ ) کے گرد گھومتی ہے جو اچانک لاپتہ ہوجاتی ہے اور ان کی تلاش کے دوران ان سے منسلک خاندان کے دردناک راز دنیا پر فاش ہونا شروع ہوجاتے ہیں، نیٹ فلکس نے ’دا فیم گیم‘ کے ساتھ کیپشن میں لکھا ہے کہ ’ایسے کوئی راز نہیں ہوتے جنہیں وقت منکشف نہ کرے۔‘
اس ویب سیریز کی ایک اہم بات یہ بھی ہےاداکارہ مادھوری ڈکشٹ اور سنجے کپور تقریباً 25 سالوں کے بعد ایک ساتھ سکرین پر نظر آرہے ہیں اس سے قبل مادھوری ڈکشٹ اور سنجے کپور 1995 میں فلم ’راجا‘ اور 1997 میں فلم ’محبت‘ میں کام کرچکے ہیں۔
