اطالوی قونصل جنرل، سابق جرمن سفیر کے نقش قدم پر
کراچی میں اطالوی قونصل جنرل ڈینیلو گوردینیلا اوران کی اہلیہ نے عمر کوٹ میں لذیذ کھانے سے لطف اندوز ہونے کے بعد اونٹ کی سواری کے مزے لیے
پاکستان کے صوبہ سندھ کی ثقافت نا صرف مقامی بلکہ غیر ملکیوں کو بھی اپنے سحر میں جکڑ لیتی ہے۔ یہی وجہ ہے کہ اب پاکستان میں تعینات اطالوی قونصل جنرل بھی سابق جرمن سفیر کے نقش قدم پر چل پڑے ہیں۔
بات ہو عمرکوٹ کی تو عمر ماروی سمیت کئی رومانوی داستانیں اس شہر کی تاریخ کا حصہ ہیں۔ مغل شہنشاہ جلال الدین اکبر کی جائے پیدائش بھی یہی ہے۔ جبکہ کئی صوفیاء کرام یہاں منوں مٹی تلے دفن ہیں۔
گزشتہ دنوں اطالوی قونصل جنرل اور ان کی اہلیہ نے سیاحت و ثقافت کو فروغ دینے کی غرض سے عمرکوٹ، مٹھی اور تھرپارکر کا دورہ کیا۔
The Consul General of Italy, Mr. Danilo Giurdanella and wife visited Umerkot, Mithi and Tharparkar at the invitation of @sardarshah1
They visited local landmarks; met the legendary singer Mai Dhai and experienced the gracious hospitality of the Sindh Province.@Ministerculture pic.twitter.com/5k53MWe6Pg— Italy in Karachi (@ItalyinKarachi) November 23, 2020
اطالوی جوڑے نے رنگین دھاگوں سے تیار کردہ رلی پر بیٹھ کر کھانا کھایا۔ لذیذ کھانے سے لطف اندوز ہونے کے بعد دونوں نے اونٹ کی سواری کے مزے لیے۔
Italian Counsel @ItalyinKarachi Excellency Mr. @danilogiurdanel enjoys Cultural diversity of #Umerkot/Thar from Camel riding to Thari cuisine in thatched hut, visiting the historical sites to local music hosted by #Sindh Minister for #Culture & Tourism Hon’ble @sardarshah1. pic.twitter.com/DGxTX2Zqbg
— Abdul Haleem Soomro (@haleemsomro) November 23, 2020
موسیقی کے تڑکے کے بغیرثقافت کے رنگ اورسندھ کا سفرادھورا کہا جائے تو غلط نہ ہوگا۔ اطالوی قونصل جنرل اوران کی اہلیہ نے سروں کے جادوسے دلوں کے تار چھیڑنے والی مائی ڈھائی سے بھی ملاقات کی۔ جوڑے نے لوک گلوکار یوسف فقیر کی گلوکاری کی بھی داد دی۔
What a touching and rewarding moment!
SindhGovt’s Culture Minister @sardarshah1 takes Italy’s Consul in Karachi Mr @danilogiurdanel to #YousifFakir, local singer who endlessly sings under a tree at #Hindu temple in #Nagarparkar‘s #Kasbo and always remains ignored by dignitaries. pic.twitter.com/uihQ6uZOld
— Sikandar Ali Hullio (@HullioSikandar) November 22, 2020
ڈینیلو گاردینیلا نے اکبر بادشاہ کے جائے پیدائش پر بھی حاضری دی۔ دونوں مہمان صوبائی وزیر ثقافت سید سردارعلی شاہ کی دعوت پرسندھ تشریف لائے تھے۔
On the anniversary of the birthday of Akbar the Great, the glorious and tolerant Mughal ruler, I propose this photo I took with @sardarshah1 at Akbar’s birthplace in Umerkot a couple of days ago. #sindhistory pic.twitter.com/PF4nNrAKE3
— Danilo Giurdanella (@danilogiurdanel) November 23, 2020
صوبائی وزیر کے مطابق سندھ حکومت کو سیاحت کے شعبے میں اطالوی حکومت کی جانب سے تعاون حاصل ہے۔ وہ امید کرتے ہیں کہ مستقبل میں بھی ایسے کئی دورے منعقد کیے جائیں گے جن سے سندھ کی ثقافت کواجاگر کرنے میں مدد ملے گی۔
