میونسپل کارپوریشن سکھر کی نااہلی، شہر سیوریج کے پانی میں ڈوب گیا
تاجروں اور شہریوں کی کہنا ہے عملے کی مسلسل غفلت اور لاپرواہی سے ان کا کاروبار تباہ ہو کر رہ گیا ہے۔

محکمہ پبلک ہیلتھ اور سکھر میونسپل کارپوریشن کی نااہلی، شہر میں نکاسی آب مفلوج ، شکایت کے باوجود شہری و تجارتی مرکز کا نکاسی آب عمل درست نہ ہوسکا ، نیو پنڈ کا مین روڈ گندے پانی میں ڈوب گیا ، علاقہ مکینوں کو آمد و رفت میں مشکلات کا سامنا، شہریوں نے کمشنر سکھر و بالا حکام ے نوٹس لینے کا مطالبہ کردیا۔
تفصیلات کے مطابق سکھر محکمہ پبلک ہیلتھ ڈپارٹمنٹ ، میونسپل کارپوریشن کے افسران سکھر کے منتخب نمائندگان کی عدم توجہی اور مجرمانہ غفلت، مسلسل لاپرواہی کے باعث سکھر شہر میں کروڑوں روپے کے جاری نکاسی و فراہمی آب کے منصوبے و ترقیاتی کام کئی ماہ گذرنے کے باوجود مکمل نہیں ہو سکے۔
یہ بھی پڑھیے
انڈس ٹورازم کلب کا بڑا اقدام ، سہون میں قدرتی چشموں کی صفائی شروع
غیرقانونی تعمیرات کے خلاف سندھ حکومت کا ایکشن سے انکار، نیا آرڈیننس تیار
شہر کے مختلف تجارتی و کاروباری مراکز میں گذشتہ کئی دنوں سے نکاسی آب نظام کا نظام خراب ہو چکا ہے۔ گذشہ روز نیو پنڈ مین روڈ میں نالیوں اور گٹروں کی صفائی نہ ہونے کیوجہ سےگندہ پانی سڑکوں ، گلیوں اور محلوں میں جمع ہو گیا جس کے باعث شہریوں و تاجروں کو شدید پریشانی کا سامنا کرنا پڑا رہا ہے۔
ڈرینج سسٹم کی خرابی کے حوالے سے علاقہ مکینوں، دکانداروں اور متاثرہ افراد کا کہنا تھا کہ شکایات کے باوجود انتظامیہ اور متعلقہ محکموں کے کانوں پر جوں تک نہیں رینگ رہی ہے نکاسی آب کے نظام کی درستگی کیلئے کوئی اقدام نہیں کئے جارہے ہیں بالا حکام نوٹس لیکر شہریوں کو بنیادی و بلدیاتی سہولیات فراہم کرنے میں اپنا کردار ادا کریں۔