سیالکوٹ کے تاجروں نے پریانتھا کمارا کی بیوہ کو ایک لاکھ ڈالر بھیج دیئے
وزیراعظم عمران خان نے کاروباری برادری کا شکریہ ادا کیا، مقتول سری لنکن شہری کی بیوہ کو 10 سال تک دو ہزار ڈالر ماہانہ بھی دیئے جاتے رہیں گے۔
وزیراعظم عمران خان نے ٹویٹ کرتے ہوئے سیالکوٹ کی کاروباری شخصیات کا شکریہ ادا کیا جنہوں نے سری لنکن شہری پریانتھا کمارا کی بیوہ کو ایک لاکھ ڈالر بھیجے ہیں۔
I want to appreciate the Sialkot business community for transferring $ 100,000 to account of Priyantha Kumara’s widow & Rajco Industries for transferring monthly salary of $ 2000 to her account – which they will do for 10 yrs.
— Imran Khan (@ImranKhanPTI) January 18, 2022
انہوں نے کہا کہ ہر مہینے بیوہ خاتون کو 2 ہزار ڈالر کی رقم بھی بھیجی جائے گی جو کہ 10 سال تک جاری رہے گی۔
یاد رہے کہ پچھلے مہینے سیالکوٹ میں واقع راجکو انڈسٹریز کے سری لنکن مینیجر پریانتھا کمارا کو توہین مذہب کا الزام لگا کر قتل کر دیا گیا تھا۔
یہ بھی پڑھیے
سیالکوٹ، مشتعل افراد نے توہین مذہب کے الزام میں غیرملکی مینیجر کو قتل کردیا
سیالکوٹ کی کاروباری شخصیات نے غیرملکی شہری کے قتل کی مذمت کردی
فیکٹری ملازمین انہیں تشدد کر کے باہر تک لائے اور بعد ازاں اس ہجوم میں دیگر ملزمان بھی شامل ہوئے جنہوں نے تشدد کر کے پریانتھا کو قتل کر دیا تھا۔
وزیراعظم کے مشیر برائے سیاسی امور ڈاکٹر شہباز گل نے بھی ٹویٹ کرتے ہوئے بتایا کہ ایک لاکھ ڈالر کی رقم مقتول پریانتھا کی بیوہ کو بھیجی جا چکی ہے۔ انہوں نے اس ٹرانزیکشن کے دستاویزی ثبوت بھی شیئر کیے۔
Funds of 100000 US $ and first salary of 1667 US Dollar committed by Rajco Industries for next 10 years and announced by Honourable Prime Minister of Pakistan has been transferred to the account of Widow of deceased Sri Lankan Manager Mr Priyanatha Khumara in Sri Lanka pic.twitter.com/vde6IeXJVY
— Dr. Shahbaz GiLL (@SHABAZGIL) January 17, 2022
خیال رہے کہ گوجرانوالہ کی انسداد دہشتگردی عدالت نے دو ہفتے قبل 85 ملزمان کا 14 روزہ ریمانڈ منظور کیا تھا، قتل کے الزام میں 100 سے زائد افراد گرفتار کیے جاچکے ہیں۔
