دبئی ایکسپو میں پاکستان فلم ویک کا آغاز، فواد چوہدری

وزیراطلاعات و نشریات کا کہنا ہے کہ2022  پاکستان سینما کی بحالی کا سال ہوگا،  21 سے 26 فروری تک دبئی ایکسپو میں پاکستان کی گیارہ فلمیں دیکھائی جائیں گی۔

سماجی رابطے کی ویب سائٹ ٹوئٹر پر اپنے بیان میں  وفاقی وزیر اطلاعات و نشریات فواد چوہدری  شائقین کو خوشخبری سناتے ہوئےبتایا ہے کہ آج سے دبئی ایکسپو میں پاکستان فلم ویک کا آغاز ہو رہا ہے 21 سے 26 فروری تک 11 پاکستانی فلمیں پاکستان انکلوژر میں دکھائی جائیں گی۔

آج سے دبئ ایکسپو میں پاکستان فلم ویک کا آغاز ہو رہا ہے، 21 سے 26 مارچ تک گیارہ پاکستانی فلمیں پاکستان انکلوژر میں دیکھائ جائیں گی، یہ سال پاکستان سینما کی بحالی کا سال ہو گا ، اس سال PTV کی فلم ڈویژن قائم کی گئ ہے جو پبلک پرائیویٹ سیکٹر میں دس فلمیں بنائے گی۔ #PakFilms pic.twitter.com/vQQHb5WjUi

— Ch Fawad Hussain (@fawadchaudhry) January 20, 2022

انھوں نے بتایا کہ اس سال قومی ٹی وی کی فلم ڈویژن قائم کی گئی ہے جو پبلک پرائیویٹ سیکٹر میں 10 فلمیں بنائے گی اور یہ سال فواد چوہدری نے کہا کہ یہ سال پاکستان سینما کی بحالی کا سال ہوگا۔ وفاقی وزیر فواد چوہدری نے اپنی ٹوئٹ میں دبئی ایکسپو میں دیکھائی جانے والی پاکستانی فلموں کی تفصیلات بھی شئیر کی ہیں۔

یہ بھی پڑھیے

فواد چوہدری کا میڈیا مالکان سے ورکرز کی تنخواہوں میں اضافے کا مطالبہ

فواد چوہدری  اور شہباز گل ٹوئٹر پر بچگانہ حرکتوں پر اتر آئے

دبئی میں پاکستان انکلوژر کے ڈائریکٹر کا کہنا ہے کہ اس ایکسپو کے آغاز سے ہی پاکستانی پویلین کیلئے عوامی ردعمل مثالی رہا اور پویلین میں ہونے والی  سرگرمیوں میں لوگوں نے بہت دلچسپی لی۔ پویلین کی لیڈ پروگرامنگ اور مارکیٹنگ افروز ابڑو کا کہنا تھا کہ پویلین میں کئی ثقافتی ، معلومات اور کاروباری سرگرمیاں جاری ہیں جن کے ذریعے پاکستان کے سیاحتی اور اقتصادی شعبوں میں موجود بیش بہا مواقع اجاگر کیئے جارہے ہیں۔

دبئی ایکسپو میں دکھائی جانے والی فلموں میں طیفا ان ٹربل، لوڈ ویڈنگ، پرے ہٹ لو، ایکٹر ان لا، پرواز ہے جنوں، بن روئے، ہیر مان جا، پرچی، چھلاوا، سپراسٹار اور ساون شامل ہیں