میلبورن میں خنجر کے بہیمانہ وار سے پاکستانی طالب علم شدید زخمی

میلبورن میں خنجر کے دو مختلف حملوں میں دو افراد ہلاک جبکہ ایک پاکستانی طالب علم اور اوبر ڈرائیور حسن احمد شدید زخمی ہو گیا ہے جسے طبی امداد کے لیے اسپتال منتقل کردیا ہے۔

میلورن پولیس کا کہنا ہے کہ ہفتے کے آخری روز میلبورن شہر کے مرکزی حصہ میں چھریوں کے دو الگ الگ حملوں میں ایک نوجوان سمیت دو افراد ہلاک ہو گئے ہیں اور ایک اوبر ڈرائیور  شدید زخمی ہوگیا ہے۔

یہ بھی پڑھیے

قصور: پولیس کے مبینہ تشدد سے اسکول ٹیچر جاں بحق

قصور پتوکی روڈ پر کار سواروں کی فائرنگ، ایڈووکیٹ اقبال قتل

میلورن پولیس دونوں واقعات کی الگ الگ تفتیش کررہی ہے۔ ایک واقعہ کوبرگ نارتھ اور دوسرا ڈاک لینڈز میں تقریباً ایک گھنٹے کے فرق سے پیش آیا۔

دوسری جانب وکٹوریہ پولیس کے ترجمان کا کہنا ہے پہلا واقعہ صبح 2.30 بجے کوبرگ نارتھ میں پیش آیا، جبکہ  الزبتھ اسٹریٹ میں ایک 16 سالہ لڑکے کو چاقو سے نشانہ بنایا گیا۔ 16 سالہ نوجوان نوجوان موقع پر ہی دم توڑ گیا تھا۔

پولیس کے مطابق تقریبا ایک گھنٹے کے فرق سے صبح 3.20 پر ڈاک لینڈز میں حملے کی اطلاعات ملی جس میں خجر کے وار سے دو افراد شدید زخمی ہو گئے ، دونوں افراد کو فوری طور پر اسپتال منتقل کیا گیا تاہم تھوڑی دیر بعد ایک شخص زخموں کی تاب نہ لاتے ہوئے دم توڑ گیا۔

بیرسٹر عنبرین قریشی نے سماجی رابطوں کی ویب سائٹ ٹوئٹر پر زخمی اوبر ڈرائیور اور پاکستانی طالب علم حسن احمد کی تصویر شیئر کرتے ہوئے اس بات کی تصدیق کی ہے کہ ” ایک پاکستانی طالب علم حسن احمد جوکہ ایک اوبر ڈرائیور بھی کو رائل میلبورن اسپتال میں تشویشناک حالت داخل کرایا گیا ہے۔ 12/3/22 کی صبح 1 بجے فٹزروئے اسٹریٹ برنسوک میں مسافروں نے ان کی پیٹھ میں 7 بار خنجر سے وار کیا ۔ اس کی جلد صحت یابی کے لیے دعا کریں۔”

A Pakistani Student also an uber driver, Hassan Ahmad is in critical situation at Royal Melbourne Hospital, stabbed 7 times in the back on 12/3/22 at 1am Fitzroy Street Brunswick by the passengers he picked up . Lets pray for his quick recovery. pic.twitter.com/SfqcLtTzKK

— Barrister Ambreen Qureshi 🇵🇰 (@ambreenqureshi) March 12, 2022

دوسری جانب پاکستان قونصلیٹ جنرل نے ڈرائیور کی شناخت حسن احمد کے نام سے کی اور کہا کہ اس کی حالت خطرے باہر ہے۔

پاکستانی قونصلیٹ جنرل کا کہنا ہے کہ ہم حسن احمد کے رشتے داروں اور دوستوں کے ساتھ رابطے میں ہیں اور ہر طرح کی ممکن مدد فراہم کررہے ہیں۔