وسیم خان آئی سی سی کے نئے جنرل منیجر منتخب ہوگئے

پاکستان کرکٹ بورڈ (پی سی بی) کے سابق چیف ایگزیکٹو وسیم خان انٹرنیشنل کرکٹ کونسل (آئی سی سی) کے نئے جنرل منیجر منتخب ہوگئے۔

آئی سی سی کے مطابق پی سی بی کے سابق چیف ایگزیکٹو وسیم خان کوانٹرنیشنل کرکٹ کونسل میں جیفری ایلڈریج کی جگہ منتخب کیا گیا ہے اور وہ آئندہ ماہ اپنا عہدہ سنبھالیں گے۔

یہ بھی پڑھیے

ویرات کوہلی کو سنچری اسکور کیے 100 میچز بیت گئے

اے سی سی نے ایشیا کپ کی میزبانی کےلیے سری لنکا کو ڈیڈلائن دے دی

سابق چیف ایگزیکٹو وسیم خان نے اس حوالے سے اپنے ایک بیان میں کہا ہے کہ آئی سی سی میں شمولیت ان کے لیے اعزاز کی بات ہے۔

Wasim Khan appointed as ICC General Manager of Cricket. Read more here⬇️https://t.co/hjzX6oDEBq pic.twitter.com/91AAQcmBsJ

— ICC Media (@ICCMediaComms) April 22, 2022

انٹرنیشنل کرکٹ کونسل کے موجودہ جنرل منیجر ایلڈریج نے وسیم خان کو ان کے انتخاب پر مبارکباد دیتے ہوئے کہا کہ وہ امید کرتے ہیں کہ وسیم خان تنظیم کے لیے انتھک محنت کریں گے اور اپنے تجربے سے تنظیم کو شہرت کی بلندیوں پر لے جانے میں کوئی کسر نہیں اٹھا رکھیں گے۔

واضح رہے کہ پاکستان تحریک انصاف کی حکومت نے قومی کرکٹ ٹیم کے سابق کپتان رمیز راجہ کو پی سی بی کا چیئرمین لگایا تھا جس کے بعد وسیم خان نے اپنے عہدے سے استعفیٰ دے دیا تھا۔