اداکار فرحان علی آغا نے عمران خان کی لمبی عمر کی دعا کردی
گذشتہ روز عمران خان نے اپنے خطاب میں کہا تھا کہ مجھے بند کمروں میں مارنے کی سازش تیار کی جارہی ہے۔
سابق وزیراعظم عمران خان کے تازہ ترین خطاب پر ردعمل دیتے ہوئے پاکستان شوبز انڈسٹری کے جانے مانے اداکار فرحان علی آغا اور پی ٹی آئی کے کارکن زیان علی نے ان کی لمبی عمر کی دعا کی ہے۔
سماجی رابطوں کی ویب سائٹ ٹوئٹر پر پیغام شیئر کرتے ہوئے فرحان علی آغا نے لکھا ہے کہ "تمام لوگ اس بات کو نوٹ کرلیں کہ عمران خان کا بال بھی بیکا نہیں ہونا چاہیے۔”
یہ بھی پڑھیے
”قاتل حسیناؤں کے نام“ کی برطانیہ میں ساؤتھ ایشین فلم فیسٹیول میں ورلڈ پریمئر
کنگنا رناوت نے سپرہیروز کی تمام فلمیں کو ویدوں سے ماخوذ قرار دیدیا
انہوں نے مزید لکھا ہے کہ "عمران خان پاکستان کی آخری امید ہیں۔۔۔۔ ہم خان صاحب زندگی کی آخری سانس تک آپ کے ساتھ ہیں۔”
Remember everyone imran khan ka baal b bheeka nahi hona chahiye… Imran Khan is Last Hope of Pakistan, we are with you khan sahab till our last breath 🙏@PTIofficial @UdarOfficial @InsafPK#SialkotJalsa #امپورٹڈ_حکومت_نامنظور pic.twitter.com/UFntfbBdMa
— Farhan Ali Agha (@FarhanAliAgha_) May 14, 2022
عمران خان کی لمبی عمر کی دعا کرتے ہوئے پی ٹی آئی کارکن زیان علی نے حرم پاک کی تصویر شیئر کی ہے جس میں دعا کی گئی ہے کہ "یااللہ عمران خان کو لمبی زندگی عطا فرما اور کامیابی عطا فرما۔”
Say "Ameen” ♥️#امپورٹڈ_حکومت_نامنظور pic.twitter.com/4e4ntUA9sZ
— Zαყαɳ Iƙ (@Zyyan_Ali) May 14, 2022
واضح رہے کہ گذشتہ روز سیالکوٹ میں پاکستان تحریک انصاف کے جلسے عام سے خطاب کرتے ہوئے چیئرمین پی ٹی آئی عمران خان نے اس بات کے خدشے کا اظہار کیا تھا کہ بند کمروں کے اندر مجھے مارنے کی سازش تیار کی جارہی ہے۔ اس سازش کی وجہ سے میں ایک ویڈیو تیار کروا دی ہے ، جس میں مجھے قتل کروانے والوں کے نام بھی ہیں ، اگر مجھے قتل کروا دیا تو وہ ویڈیو ساری قوم کے سامنے آجائے گی۔
عمران خان کا کہنا تھا ویڈیو میں ممکنہ ذمہ داروں کے نام بتا دیئے گئے ہیں، ویڈیو کو محفوظ کردیا گیا ہے ، مجھے کچھ ہوا تو عوام کو پتا چل جائے گا کہ کون کون لوگ میرے خلاف سازش کررہے تھے۔
