ڈاکٹر عامر لیاقت کی فیصل واوڈا پر تنقید
سینیٹ کے لیے امیدواروں کے انتخاب پر نہ صرف ڈاکٹر عامر لیاقت بلکہ تحریک انصاف کے سندھ کے ارکان نے بھی تحفظات کا اظہار کیا ہے۔
پاکستان تحریک انصاف (پی ٹی آئی) کے رکن قومی اسمبلی ڈاکٹر عامر لیاقت نے سینیٹ کے ٹکٹ کے لیے اپنی ہی جماعت کے رکن فیصل واوڈا کی نامزدگی پر تحفظات کا اظہار سوشل میڈیا پر کیا ہے۔
سینیٹ کے لیے امیدواروں کے انتخاب پر نہ صرف ڈاکٹر عامر لیاقت بلکہ تحریک انصاف کے سندھ کے ارکان نے بھی تحفظات کا اظہار کیا ہے۔
صرف سینیٹ کا ٹکٹ
آپ نے تو کہا تھا صوبائی اسمبلیوں, آزاد کشمیر اسمبلی, گلگت بلتستان اسمبلی اور لوک سبھا کو جو ٹکٹ نواز شریف نے دستاویزات میں ظاہر نہیں کیا وہ بھی دیں گے بلکہ گرین لائن بس کا ٹکٹ بھی پہلے سے دے دیں گے@FaisalVawdaPTI pic.twitter.com/IrXOWXUToC— Aamir Liaquat Husain (@AamirLiaquat) February 14, 2021
رکن قومی اسمبلی ڈاکٹر عامر لیاقت ہمیشہ ہی اپنی حاضر جوابی کے لیے جانے جاتے ہیں۔ انہوں نے فیصل واوڈا کی سینیٹ انتخابات میں نامزدگی پر کھل کر تنقید کی ہے۔ ڈاکٹر عامر لیاقت نے یکے بعد دیگرے ٹوئٹس میں فیصل واوڈا کو آڑے ہاتھوں لیا۔
اپنے ہاتھوں کو نہیں
سینیٹ کو سینیٹائز کیجیے
واؤڈا بھائی جارہے ہیں "سینیٹائز” ہو کر #HappySenetorinesDay pic.twitter.com/iCdvEoneBc— Aamir Liaquat Husain (@AamirLiaquat) February 14, 2021
کئی ٹو ئٹس کرنے کے بعد جب حکمراں جماعت میں سے کسی نے اپنی ہی جماعت کے ممبر قومی اسمبلی عامر لیاقت کے ٹوئٹس کا نوٹس نہیں لیا تو بلاآخر خود ہی عامر لیاقت نے ٹوئٹ کر کے وہ کہہ دیا جس کی تمہید اُنہوں نے اپنے ٹوئٹس میں بنادھنے کی کوشش کی تھی۔ اُنہوں نے ایک اور ٹوئٹ کر کے کہہ دیا کہ کراچی سے اشرف جبار قریشی کو ٹکٹ دینا چاہیے۔
خان صاحب میرے وزیراعظم میری آپ سے اپیل ہے کہ پارٹی کے سب سے سینئر اور پرانے ساتھی اشرف جبار قریشی بھائی کو سینیٹ کا ٹکٹ دے دیجیے وہ آپ کے کراچی میں سب سے بڑے خیرخواہ اور سچے ساتھی ہیں #AshrafQureshiForSenate @ImranKhanPTI
— Aamir Liaquat Husain (@AamirLiaquat) February 15, 2021
یہ بھی پڑھیے
فیصل واوڈا کی عجیب و غریب حرکتیں
واضح رہے کہ جمعے کے روز وفاقی وزیر برائے سائنس و ٹیکنالوجی فواد چوہدری نے سماجی رابطوں کی ویب سائٹ ٹوئٹر پر جاری پیغام میں لکھا تھا کہ پی ٹی آئی نے سینیٹ کی زیادہ نشستوں پر اپنے امیدواروں کے ناموں کا فیصلہ کرلیا ہے۔ وفاقی دارالحکومت سے عبدالحفیظ شیخ اور فوزیہ ارشد کو امیدواروں کے طور پر نامزد کیا گیا ہے۔ جبکہ وفاقی وزیر برائے آبی وسائل فیصل واوڈا بھی سینیٹ انتخاب میں حصہ لیں گے۔
تحرک انصاف نے سینٹ کی زیادہ تر نشستوں پر اپنے امیدواروں کے نام فائنل کر لئے ہیں اسلام آباد سے عبدالحفیظ شیخ اور فوزیہ ارشد تحریک انصاف کی امیدوار فائنل کی گئ ہیں۔۔
— Ch Fawad Hussain (@fawadchaudhry) February 12, 2021
واضح رہے کہ الیکشن کمیشن آف پاکستان اور اسلام آباد ہائیکورٹ میں وفاقی وزیر برائے آبی وسائل فیصل واوڈا کے خلاف دوہری شہریت چھپانے کے حوالے سے درخواست زیر سماعت ہے جس میں الیکشن کمیشن وفاقی وزیر پر جرمانہ بھی کر چکا ہے۔ جبکہ اسلام آباد ہائیکورٹ نے فیصل واوڈا کے وکیل سے دوہری شہریت رکھنے سے متعلق جواب طلب کر رکھا ہے۔
فیصل واوڈا پر عام انتخابات کے لیے کاغذات نامزدگی جمع کرواتے وقت دوہری شہریت سے متعلق غلط بیان حلفی جمع کروانے کا الزام ہے۔
